الیزر بن یہودا

آزاد انسائیکلوپیڈیا، وکیپیڈیا توں

الیزر بن یہودا اک روسی یہودی سی۔ اوہ اخبار لکھاری تے عبرانی بولی نوں دنیا وچ دوبارہ چالو کرن والا سی۔

الیزر بن یہودا 7 جنوری 1858 نوں لزہکی روسی سلطنت وج جمیا۔ نکی عمر وچ اوہنے مزہبی پڑھائی کیتی۔ پرانی عبرانی نال جرمن فرانسیسی تے روسی بولیاں سکھیاں۔ صیہونی مت نوں سمجھن مگروں اوہنے ایہ سوچیا جے فلسطین دی تھاں اسرائیل وچ عبرانی بولی دا دوبارہ چلانا ساری دنیا دے یہودیاں نوں کٹھا کرسکدا اے۔

اوہنے سوربون یونیورسٹی پیرس توں تریخ تے سیاست پڑھی۔ 1881 وچ اوہ فلسطین آیا تے یروشلم وچ وس گیا۔ یہودا نے کوتھے اک نویں عبرانی بولی بارے سوچیا جیہڑی یدش تے پرانی عبرای تے ہور یہودی بولیاں دی تھاں لوے۔ صیہونی مت تے عبرانی بولی اوہدے نیڑے رلیاں شیواں سن۔ اوہ کئی عبرانی اخباراں دا لکھاری وی سی۔ عبرانی بولی دے وادے لئی اوہنے اک سنگت بنائی جیہڑی ہجے وی کم کر رئی اے۔

الیزر نے دو ویاہ کیتے۔

دسمبر 1922 نوں ٹی بی نال اوہدی موت ہوئی تے اوہنوں زیتون دا پعاڑ یروشلم وج ای دبیا گیا۔