انگریزی تعلیم ایکٹ 1835

وکیپیڈیا توں
Jump to navigation Jump to search

انگریزی تعلیم ایکٹ (انگریزی: English Education Act) 1835 وچ بھارتی کونسل دا اک آئینی قانون سی جس نال 1835 وچ ولیئم بینٹک ولوں کیتے فیصلے نوں لاگوُ کیتا گیا۔ اس نال ایسٹ انڈیا کمپنی ولوں برطانوی پارلیمنٹ توں بھارت وچ سکھیا اتے ساہت اتے خرچ کرن لئی لوڑیندے فنڈ منگے گئے۔ اس توں پہلاں کمپنی ولوں روایتی مسلمان تے ہندو سکھیا اتے ایہناں دیاں بولیاں سنسکرت اتے عربی وچ ساہت دی اشاعت دی حمایت کیتی گئی سی۔ پھر اوہناں نے مغربی سکھیا دینی شروع کیتی جس وچ سکھیا دا زریعہ انگریزی رکھیا گیا۔ انگریزی نوں حکومت اتے کچہریاں دی بولی (فارسی دی جگہ اتے) بناؤن دے نال انگریزی حکمراناں دی بولی رہن دی جگہ اتے بھارت دیاں بولیاں وچ شامل ہو گئی۔

بھارتی سکھیا لئی برطانوی مدد[لکھو]

جدوں برطانوی پارلیمنٹ نے 1813 وچ ایسٹ انڈیا کمپنی دا چارٹر 20 سالاں لئی بدلیا تاں اس دے مطابق کمپنی نوں بھارت دے پڑھے-لکھے مول نواسیاں وچ ساہت دی ترقی لئی اتے برطانیہ دے ماتحت علاقیاں وچ سائنس دی سکھیا لئی ہر سال 1,00,000 روپئے لگاؤن دا حکم ہویا۔۔"[1]

1820ویاں تک کجھ حکمراناں نے ایہہ سوال کھڑے کرنے شروع کیتے کہ کی ایہہ پیسیاں دی صحیح ورتوں اے جاں نہیں۔ جیمز مل نے کیہا کہ کمپنی ولوں کلکتہ وچ مدرسہ(محمدن کالج) اتے بنارس وچ ہندو کالج بنواؤن دا مقصد سی کہ بھارتی ساہت پڑھاؤن نال بھارتیاں دے من وچ انگریزاں متعلق چنگے مطلب بنن پر ہولی-ہولی ایہہ وچار ساہمنے آؤن لگیا کہ کمپنی نوں پوربی سکھیا نہیں سگوں فائدیمند سکھیا دینی چاہیدی اے۔

حوالے[لکھو]

  1. مکالے دے منٹ وچ لکھیا ملدا اے۔