اودیسا سویت جمہوریہ

وکیپیڈیا توں
Jump to navigation Jump to search
اودیسا دا جھنڈا
اودیسا دا نقشہ

اودیسا سویت جمہوریہ ، اک گھٹ چر لئی قائم رہن آلی سویت جمہوریہ سی ، جہڑی سابق روسی سلطنت دے خیرسون گورنوریٹ تے بیسارابیا گورنوریٹ دے علاقےآں تے 31 جنوری 1918ء چ قائم ہوئی ۔ اس نوں چلان آلا ادارہ "عوامی نمائندےآں دی کونسل" سی ، جس نوں انقلابیاں تے بالشویکاں نے قائم کیتا سی ۔

اودیسا دے پنج روبل 1917ء

اینہاں نے اودیسا دے اک آزاد شہر ہون دا اعلان کیتا تے پیتروگراد دی بالشویک حکومت نال اتحاد کیتا ۔

شہر نے اپنی کرنسی جاری کیتی ، تے خانہ جنگی تے علاقے دی غیر یعقینی صورتحال دے وچ ، اس کرنسی دی قیمت سابق روسی سلطنت دے علاقے چ قائم کسے وی مرکزی حکمت نالوں ودھ سی ۔

اپنے گھٹ چر تے غیر یعقینی سیاسی حالات پاروں اودیسا عوامی جمہوریہ نوں بالشویک روس سنے کسے وی دیس نے تسلیم نئیں کیتا سی ۔ ایہہ جمہوریہ اپنے قیام دے صرف دو مہینے مگروں 13 مارچ 1918ء چ اپنےانجام نوں پہنچ گئی ، جدوں استے جرمنی تے آسٹرو ہنگری دیاں فوجاں نے مل مار لئیا سی ۔

حوالے[لکھو]