اگنی ونشی
اگنی ونشی سنسکرت دا لفظ اے تے اسدا مطلب اگ دی اولاد اے ۔ ہندو تریخ تے کہانیاں چ اگنی ونشی اوہناں قوماں نوں آکھیا جاندا اے جہڑیاں کہ اگ توں پیدا ہوئیاں تے جنہاں دا مقصد اسوروں یعنی بلاؤاں دا خاتمہ سی ۔ اگنی ونشی قوماں چ خاص طور تے چوہاناں دا ذکر کیتا جاندا اے ۔ ہندو تریخ تے کہانیاں چ اگنی ونشی دے علاوہ ہندوآں دیاں سوریا ونشی تے چندرا ونشی تے ناگا ونشی ناں دیاں آریائی نسلاں وی نیں ، سارے راجپوت تے جٹ اینہاں نسلاں نال ای تعلق رکھدے نیں ۔