ایشز

وکیپیڈیا توں
Jump to navigation Jump to search
ایشز
Ashes Urn.jpg
ایشز کپ
کھیڈنوالے دیس : انگلینڈ Flag of England.svg
اسٹریلیا Flag of Australia.svg
سیریز کرانوالے: انٹرنشنل کرکٹ کونسل
میچ ونڈ : ٹیسٹ کرکٹ
پہلی سیریز: 1882-83
اگلی سیریز: 2015

ایشز کرکٹ دی کھیڈ وچ انگلینڈ تے اسٹریلیا دے وشکار ہونوالے ٹیسٹ میچاں دی سیریز یا سلسلے نوں جتنوالی ٹیم دے انعام نوں کیندے نیں۔ ایہناں میچاں دے سیریز دا آخری سلسلہ جتنوائی ٹیم کول ایہ انعام ہوندا اے۔ برابر ہون تے ایہ فیر پرانی جتنوالی ٹیم کول ای انعام ریندا اے۔

اسٹریلیا تے انگلینڈ دے ٹیسٹ میچاں نوں ایشز آکھن دا رواج 1882 وچ ایہناں دو دیساں وچ 1882 نوں اوول دی تھاں تے ہونوالے میچ مگروں برطانوی اخبار سپورٹس ٹائمز نے پایا جدوں اسٹریلیا نے انگلینڈ نوں ہرا دتا۔ اخبار نے لکھیا جے انگریزی کرکٹ نوں ساڑ دتا گیا اے تے سوآ اسٹریلیا لجائی جاؤگی۔ ایس سوآ نون اودوں مانتا ملی جدون ایہدے نال ای اسٹریلیا وج کھیڈی جانوالی سیریز توں پہلے انگریزی ٹیم کپتان نے ایہ سوں کھادی جے اوہ ایس سوآ نوں واپس لیان گے۔

1882-83 دی سیریز جتن تے میلبورن دیاں سوانیاں نے جنہاں وچوں اک سوانی فلورنس مرفی وی سی اک نکا جیا مرتبان انگریزی ٹیم دے کپتان آئیو بلیگ نوں دتا جیدے وچ سوآ سی۔ ایہناں نوں اسٹریلی کرکٹ دی سوآ آکھیا گیا۔ فلورنس مرفی نے فیر انگریزی ٹیم دے کپتان نال ویاہ وی کیتا۔ ایہ مرتبان کوئی سرکاری انعام نہیں سی۔ 1927 وچ بلیگ دے مرن تے ایہ مرتبان اوہدی ٹبری نے میریلیبون کرکٹ کلب نوں دے دتا۔

ایشز سیریز وچ 5 میچ کھیڈن دا رواج اے۔ ایہ سیریز واری واری انگلینڈ تے اسٹریلیاوچ گھٹو گھٹ 4 وریاں وچ اکواری ہوندی اے۔

ایشز سیریز (1882–2013)
ٹیم سیریز جتے ہاریاں برابر
Flag of Australia.svg اسٹریلیا 68 32 31 5
Flag of England.svg انگلینڈ 68 31 32 5

بارلے جوڑ[لکھو]

ایشز ویب سائٹ

بوآ:کرکٹ Cricket pictogram.svg