ایف-14 ٹام کیٹ

آزاد انسائیکلوپیڈیا، وکیپیڈیا توں
ایف-14
کم ہوائی چودراہٹ
بنان آلا دیس امریکہ
بنان آلی کمپنی نارتھروپ گرومن
پہلی اڈاری 21 دسمبر 1970
فوج وچ پرتی 22 ستمبر 1974
ورتن آلے دیس امریکہ، ایران
گنتی 712

ایف-14 ٹام کیٹ اک امریکی دو انجن تے پراں نوں مرضی نال موڑن آلا ہوائی چودری جعاز اے۔ ایہ ویتنام جنگ وچ امریکیاں نیں جیڑے سبق سکھے اوناں دی پیداوار سی۔ اینوں امریکی کمپنی نارتھراپ گرومن نیں امریکی نیوی لئی بنایا سی۔ امریکی نیوی ہوائی چودراہٹ بنان لئی تے بہری بیڑے نوں دشمن جعازاں توں بچان لئی ورتدی سی۔ 1990 دی دہائی چ لیزر نال نشانہ لان آلے سسٹم نال اینے بمباری وی کرنی شروع کیتی۔ ایران نیں امریکہ توں 80 ایف-14 تے لمبی دوری تک مار کرن آلے میزائل خریدے۔ ایران-عراق جنگ چ ایف-14 نیں عراقی ہوائی فوج نوں بلکل روک دتا تے تقربا 160 عراقی لڑاکہ جعاز مار گراۓ۔ عراق نیں اس توں بعد ہوائی فوج نوں جنگ چ ورتنا بوت کٹ کر دتا۔ اس دے بدلے صرف 12 ایرانی ٹام کیٹ عراقیاں نیں مارے۔

22 ستمبر 2006 نوں امریکی نیوی نیں ایف-14 نوں ریٹائر کر دتا تے ایدا کم ہن ایف-18 سپر ہارنٹ کردے نیں۔ ایرانی ہوائی فوج اج تک ایف-14 ورتدی اے۔

بارلے جوڑ[سودھو]