ایف-15
| ایف 15 | |
| F-15 Eagle | |
 |
|
| کم | ڈاڈا فائٹر |
| بنان آلا دیس | امریکہ |
| بنان آلی کمپنی | میک ڈونلڈ ڈگلس بوئنگ |
| بنن دی تریخ | 1972-1976 |
| ورتن آلے دیس |  امریکہ جپان اسرائیل سعودی عرب |
| گنتی | 980 |
| مل | 30 ملین ڈالر |
ایف-15 امریکہ دا بنایا لڑاکہ جہاز اے۔ ایف-15 1976 توں استعمال چ اے تے اج تک اے 100 توں زیادہ جہاز مار گرا چکیا اے تے اک واری وی کسے دوجے جہاز دے ہتھیوں نیں ماریا گیا اے۔ اینوں امریکہ، جاپان، اسرائیل تے سعودی عرب استعمال کردے نیں۔ اینوں صرف جعازاں نال لڑن آستے بنایا گیا سی پر اے بمباری تے فوجیاں دی مدد آلے مشن وی کردا اے۔ ایف 15 کلا فائٹر جعاز اے جینے اک سیٹلائیٹ مار گرائی ہوۓ۔
تریخ[لکھو]
امریکی ایئر فورس نوں اک نوے جعاز دی لوڑ پئی سی کیونجے اوناں دے دوجے جعاز پرانے ہو چلے سی اس آستے اوناں نے 8 کمپنیاں دے درمیان ٹھیکہ جتن دا مقابلہ کرایا پر جیڑا جعاز اوناں نے بنایا اوہ بوتا پعاری سی تے اوہ بمباری دے کم ٹھیک طور تے نئیں کر سکدا سی۔ اس آستے اوناں نے اوہ جعاز بنن توں روک دتا۔
1967 چ امریکہ نوں جاسوسی کردیاں اے گل پتہ چلی کے سوویت یونین اک وڈا جعاز بنا رئی اے جیدے پر بوت وڈے نیں۔ اس گل نال نیٹو پریشان ہوگئی کے وڈے پراں آلا جعاز بوت تیز مڑدا اے تے اوہ امریکی جعازاں نوں ہرا دے گا حالانکہ اوہ جعاز، مگ 25، اک بوت تیز اچا اڈن آلا روکن آلا جعاز سی۔ امریکہ کول لڑائی آستے اکو جعاز سی اوہ ایف 4 سی پر اوہ اینے خطرناک جعاز نال نئیں لڑ سکدا سی۔ اس واسطے اک نوے جعاز دی لوڑ پئی۔ چار کمپنیاں دے درمیان ٹھیکے دا مقابلہ ہویا تے میک ڈونلڈ ڈگلس جت گئی۔ اے جعاو امریکی نیوی دے ایف 14 جیا سی پر اودے پر ہلدے نئیں سی۔ اس جعاز نوں ایف 15 دا ناں دتا گیا تے ایدے دو ورژن بنے۔ اک ایف 15 اے سی جیدے چ اکو پائلٹ بیندا سی تے اک ایف 15 بی سی جیدے چ پائلٹ تے اودا اک سنگی بیندا سی۔ پائلٹ دا سنگی جعاز اڈان چ پائلٹ دی مدد کرداسی۔
