سعودی عرب

وکیپیڈیا توں
جاؤ: پاندھ, کھوج
سعودی عرب
Kingdom of Saudi Arabia
المملكة العربية السعودية
Flag of Saudi Arabia.svg
Coat of arms of Saudi Arabia.svg
چنڈا
نشان
قومی_ترانہ = عاش المليكہ (بادشاہ لمبی عمر پائے)
راجگڑھ: ریاض
تھاں: 2,149,690 مربع کلومیٹر
لوک گنتی: 27,136,977
کرنسی: ریال
بولی: عربی
Saudi Arabia in its region.svg

سعودی عرب لیندے ایشیاء دا تھاں دے ناپ نال سب توں وڈا تے عرب دنیا ج دوجہ وڈا دیس اے۔ اینے جزیرے ورگا عرب دا وڈا حصہ ملیا ہویا اے۔ ایدے اتر تے جڑھدے اتر ول اردن تے عراق، کویت، قطر تے متحدہ عرب امارات چڑھدے ول، عمان چڑھدے دکھن ول تے یمن دکھن ول نیں۔ ایہ 2,149,690 مربع کلومیٹر تھاں تے پھیلیا ہویا اے تے ایدی لوک گنتی 2 کروڑ 70 لکھ دے نیڑے اے جیدے چوں اک کروڑ 3 لکھ بدیسی تے اک کروڑ 60 لکھ عرب نیں۔

سعودی عرب، جزیرے ورگا عرب دا اک وڈا انگ اے۔ جزیرے ورگا عرب دے لیندے اتری تھاں حجاز دے کج نگراں مکہ تے مدینہ نوں چھڈ کے ریندا سارا تھاں اک قبائلی پکھیواساں نال وس ریا سی۔ دنیا دے اک وڈے مت اسلام دے موڈی 571 وچ محمد مکہ وچ جمے۔ 7ویں صدی وچ مجمد نے عرب قبیلیاں نوں اک جٹ وج پرو کے اک عرب مذہبی سرکار دی نیو رکھی جیدا راجگڑھ مدینہ سی۔ 632 وچ اوہدے مرن تے اوہدے مننوالیاں نے ایس عرب اسلامی راج نوں عرب دیاں ولگناں توں باہر لے گۓ جیدے بارڈر ایران توں لے کے اتلے افریقہ تک پھیلے ہوۓ سن۔ ابو بکر عمر فاروق تے عثمان دے ویلے ایہ عرب اسلامی راج تیزی نال منے پرمنے عرب فوجی سرداراں خالد بن ولید، ابوعبیدہ ابن الجراح تے عمرو ابن العاص نے تھل دی ہنیری وانگوں لینے ایشیاء تے اتلے افریقہ نوں اپنی لپیٹ وچ لے لیا تے اسلامی عرب جیدا راجگڑھ مدینہ سی دنیا دے تکڑے دیساں وچ منیا گیا۔ چوتھے خلیفہ علی نے راجگڑھ مدین توں کوفہ بنایاتے اینج عرب تے مدینہ دی مڈلی حالت مک گئی۔ آن والیاں عرب سرکاراں بنو امیہ تے بنو عباس ویلے ایہ ایناں سرکاراں دا صوبہ سی۔ 16ویں صدی وچ ایہ سلطنت عثمانیہ وچ رلایا گیا۔ ایہ راج پہلی وڈی لڑائی تک ریا۔

پہلی سعودی سرکار 1744 وج عرب دے وشکار اک شہر ریاض وچ بنی۔ محمد بن سعود ایدا موڈی سی۔ ایس نوں محمد علی پاشا نے 1818 وچ مکایا۔ نجد وچ 1824 نوں اک ہور سعودی سرکار پر نکے ناپ وچ بنی۔

1914 وچ جدوں پہلی وڈی لڑائی ٹری سید حسین بن علی ہاشمی مکہ دا عثمانی گورنر سی۔ خلافت عثمانیہ نال عداری کردیاں ہویاں اوہ لڑائی وچ خلافت دیاں ویریاں انگریزاں نال رل گیا۔ مکہ دی لڑائی 1916 تے طائف دی لڑائی باجوں مکہ تے طائف عثمانی ترکاں ہتھوں نکل گۓ۔ حجاز دے ہور نگر مدینہ دا کعیرا کرلیا گیا پر اوتھوں دا ترک گورنر تے جرنیل فخری پاشا جیداری نال لڑیا تے 1918 دے انت تک مدینہ خلافت عثمانیہ کول ریا۔ ترکاں تے اودے سنکیاں دے لڑائی ہارن مگروں سعودی عرب دے لیندے پاسے سید حسین بن علی ہاشمی نے 1924 تک راج کیتا۔ اوہنوں عبدالعزیز ابن سعود نے کڈ دتا تے 1932 وچ سعودی عرب دے بنن دا ہوکا دتا گیا۔

سعودی عرب دی نیو عبدالعزیز ابن سعود نے رکھی۔ تے اودے ٹبر دے ناں تے ای دیس دا ناں اے تے اودا ٹبر ای ایتھے راج کر ریا اے۔ سعودی عرب چ بادشائی پربندھ چل ریا اے۔ مسجد الحرام تے مسجد نبوی مسلماناں دیاں دو پوتر تھانواں ایتھے نیں۔

سیاست[لکھو]

سعودی عرب تے شائی راج اے۔ دیس تے سعود ٹبر دا راج اے۔ شریعت تے 1992 وچ بنایا گیا سعودی مڈھلا قنون دیے تے لاگو اے۔ ایتھے کدے سرکار بنان لئی چوناں نہیں ہویاں۔

جغرافیہ[لکھو]

جزیرے ورگا عرب دے 80٪ حصے تے سعودی عرب وسدا اے۔ سعودی عرب 2,250,000 مربع کلومیٹر (868,730 مربع میل) تے پھیلیا ہویا اے تے تھاں نال ایہ دنیا دا 13 واں وڈا دیس اے۔ ایہدا وڈا حصہ عربی روہی نال بندا اے۔ ربع الخالی ایہدا اک انگ اے۔ پورے دیس وچ ناں کوئی دریا اے ناں ای جھیل۔ کج وادیاں تے گلے تھاں نیں۔

دیسی گؤن[لکھو]

عاش المليكہ