ایٹنا

ایٹنا (اطالوی بولی چ مونجبلو ، لاطینی چ مونٹ تے عربی چ جبل دا مرکب اے) (سسلی) دے چڑھدے کنڈیاں دا اک بوہت ای گرم آتش فشاں اے جہڑا میسینا تے کتانیا دے نیڑے واقع اے ۔ ایہہ یورپ دا سب توں متحرک آتش فشاں اے ۔ اس دی بلندی 3326 میٹر/10910 فٹ اے ۔ کئی وار لاوا اگلن دی وجہ توں اس دی بلندی چ کمی آ رہی اے تے ہن اے 1865ء دے مقابلے چ 21اعشاریہ6 میٹر یاں 71 فٹ چھوٹا اے ۔

ایٹنا 1190 مربع کلومیٹر دے رقبے تے پھیلئیا ہوئیا اے ۔ ایہہ اپنے حجم تے بلندی دوناں اعتباراں نال اٹلی دا سب توں وڈا آتش فشاں اے ۔

ایہہ جگ دے متحرک ترین آتش فشاناں چوں اک اے تے پچھلے 2 ہزار سالاں توں مسلسل لاوا سٹ رہئیا اے ۔ 1669ء اس نے 83 کروڑ معکب میٹر لاوا کڈئیا ۔

1928ء چ آتش فشاں پھٹن نال نزدیکی شہر صرف 2 دناں چ مکمل تباہ ہو گئیا ۔ 20ویں صدی دے دوران ایہہ 1949ء ، 1971ء، 1983ء تے 1992ء چ پھٹئیا جدوں کہ 21ویں صدی چ تہلی وار 2001ء چ لاوا سٹئیا ۔

2002ء تے 2003ء چ آتش فشان دے پٹھن دا خطرناک سلسلہ ویکھئیا گئیا جس دے دوران نکلن آلی راکھ اینی بلندی تک پہنچی کا اسنوں رومی سمندر دے پار لبیا توں وی دیکھغیا جا سکدا سی ۔ ایٹنا آخری وار 2006ء چ پھٹئیا ۔