باوا بلونت

وکیپیڈیا توں
Jump to navigation Jump to search

باوا بلونت (1915-1972) اک پنجابی ادیب (ساہتکار)اتے مکھ طور تے شاعر سن۔

مڈھلی زندگی[لکھو]

باوا بلونت دا جم 1915ء وچ پنڈ نیشٹا، ضلع امرتسر وچ ہویا۔ اوہناں نوں سکول وچّ داخل ہو کے تعلیم حاصل کرن دا موقع نہیں ملیا اس لئی مڈھلی تعلیم پاندھے کولوں ہی حاصل کیتی۔ اوہناں نے اپنی محنت نال سنسکرت، ہندی، اردو اتے فارسی بولیاں وی سکھیاں اتے فیر بھارت اتے جگ دے مہان ساہت دا مطالعہ کیتا ۔ باوا بلونت نوں چتر-کلا(مصوری) وچ وی بہت دلچسپی سی۔ اپنیاں معاشی لوڑاں لئی اوہناں نوں کئی نکے-نکے کم کرنے پئے۔ گتے دے ڈبے بناؤن توں لے کے، لفافے بناؤن، سوت دی رنگائی دا کم اتے کھدر دیاں ٹوپیاں بناؤن دا کم کیتا پر اوہ کسے وی کم وچ اپنا پورا دھیان نہ لا سکے کیونکہ شاعری کرن تے ساہت پڑھن دے شوق نے اوہناں دیاں کسے دوجے کم ول پوری طراں جان نئیں دتا ۔

لکھتاں[لکھو]

  • بندرگاہ
  • جوالامکھی
  • امر گیت
  • مہاں ناچ
  • سگندھ سمیر
  • کس کس طرحاں دے ناچ

شاعری دا ادھارن[لکھو]

جیون[لکھو]

 
جیون ہے رونا تے ہسنا
مار پلاکی کال تے چڑھنا
ڈگنا پھیر اسے ولّ نسنا -
جیون ہے رونا تے ہسنا

اندھکار-کھنگھراں سنگ کھہنا
دکھ-سکھ دے نرکاں وچ پینا
دل-ساگر ’چوں اٹھدے رہنا
لچھّ-لچھّ نین گگن ’چوں وسنا -
جیون ہے رونا تے ہسنا

کدے کسے نوں دل دے بہنا
اج-کلّ دے کولو وچ پینا
وسمادی موجاں وچ وہنا
جگر دے چھالے عرش نوں دسنا -
جیون ہے رونا تے ہسنا

قدرت نال بکھیڑے کرنا
پھیر جو آئے سر تے جرنا
جیون ہے جتنا تے ہرنا
پل وچ جینا پل وچ مرنا
کر کر انگلاں کہے لکائی :
اوہ جاندا ہے نواں شدائی ’
سو-رنگی مستی وچ رہنا
ہونی نال وی توڑے کسنا -
جیون ہے رونا تے ہسنا