برج بھاشا

برج بھاشا اتر پردیش ہندستان دی اک بولی اے۔ اینون ہندی دی اک بولی سمجیا جاندا اے۔ اے اترپردیش دے تریخی پاسے برج چ بولی جاندی اے ایس لئی برج بھاشا اخواندی اے۔ ایس بولی وج ای ہندستان دا بہوت ساری لکھت تے کلاسیکی موسیقی لکھی گئی اے۔ امیر خسرو ایسے بولی دے شاعر سن۔ اے پہلے سرکاری بولی سی پر فیر کھڑی بولی نے ایدی تھان لے لئی۔ اے بولی متھرا علی گڑھ آگرہ فیروز آباد ہاتھرس اٹاوہ فرخ آباد دے ضلعیاں چ بولی جاندی اے۔