بندر سری بیگوان
بندر سری بیگوان (پرانا ناں برونائی ٹاؤن)سلطنت برونائی دا راجگھر تے شاہی شہر اے ،جسدی آبادی 1991ء دی مردم شماری موجب 46 ہزار229 افراد تے مشتمل اے ۔ اہم عمارتاں چ شاہی تقریب ہال جسنوں لاپاؤ کہندے نیں ، تے شاہی ریگالیا ، سلطان عمر سیف الدین مسیت ، ملائے تکنیکی عجائب گھر تے برونائی تریخی مرکز شامل نیں ۔
شہر دے ناں دا پہلا حصہ فارسی لفظ بندر اے حسدا مطلب بندرگاہ اے تے دوجا حصہ سنسکرت لفظ سری بیگوان اے جسدا مطلب بخشیا ہویا اے ۔ شہر دا پرانا ناں برونائی ٹاؤن سی حسنوں 3 اکتوبر 1970ء چ بدل کے بندر سری بیگوان رکھیا گیا ۔
سلطان عمر سیف الدین مسیت 1958ہ چ اساری گئی ، اسدیاں خصوصیات چ سنہری گنبد ، اٹلی دے سنگ مرمر نال بنائیاں گیاں اندرونی کندھاں نیں اس چ زیر زمین گزرگاہ وی اے جسنوں سلطان ذاتی آمد و رفت لئی ورتدا اے ۔