بھوٹان دی کھیتی باڑی
بھوٹان دی کھیتی دا اتھوں دی معیشت وچّ اہم حصہ ہے۔ 2000 وچّ بھوٹان دے جی.ڈی.پی. وچّ کھیتی دا حصہ 35.9% سی۔[۱] سال 1985وچّ ایہہ حصہ 55% سی جو 2013 وچّ گھٹکے 33% رہِ گیا۔ اس دے باو جود کھیتی باڑی بھوٹان دی وسوں دے روزگار اتے روزی روٹی دا مکھ ذریعہ ہے۔ [۲]
بھوٹان دی لگپگ 80% وسوں کھیتی تے منحصر ہے۔[۳] 95% توں ودھ کامیاں عورتاں کھیتی وچّ کم کردیاں ہن۔[۴] اس ہمالیائی دیس دے بہو گنتی پناہ گیر وی کھیتی وچّ ہی روزگار یکت ہن۔[۵] بھوٹان دی کھیتی کرت پردھان خاصیتاں والی ہے اتے بہت گھٹّ مشینی آلات ورتے جاندے ہن۔زیادہتر کسان چھوٹے جاں درمیانے کسان ہن۔[۲] بھوٹان دے کلّ کھیتی یوگ رقبے وچوں قریب 21% رقبہ سنچائی تحت ہے 43% بارانی ہے جو برساتاں تے منحصر ہے۔ 27% بدلویں کھیتی لئی ورتیا جاندا ہے لگپگ 3% باغاں ہیٹھ ہے اتے 1% رسوئی باغیچی لئی ورتیا جاندا ہے۔ [۲] بھوٹان وچّ بیجیاں جان والیاں پرمکھ فصلاں مکی اتے چاول ہن۔ مکی کلّ اناج دیاں فصلاں دا 49% ہے اتے چاول 43% ہے۔ استوں علاوہ کنک اتے کجھ ہور چھوٹیاں موٹیاں فصلاں وی اگائیاں جاندیاں ہن۔ [۱] مکی عامَ طور تے خشک علاقیاں وچّ اتے چاول سنچائی والے رقبیاں وچّ اگائی جاندی ہے۔ کجھ رقبے وچّ کنک،جؤ،تیل بیج ،آلو اتے ہور سبزیاں فصلاں وی بیجیاں جاندیاں ہن۔ [۶]
ایہہ وی ویکھو
[سودھو]باہری لنک
[سودھو]- Official website of the Ministry of Agriculture, Bhutan Archived 2016-03-03 at the وے بیک مشین
| ||||||||||||||
حوالے
[سودھو]- ↑ ۱.۰ ۱.۱ Suresh Chandra Babu, Ashok Gulati (2005). Economic Reforms And Food Security: The Impact Of Trade And Technology in South Asia. Haworth Press, 329. ISBN 1-56022-257-3.
- ↑ ۲.۰ ۲.۱ ۲.۲ Small Farmers and the Food System in Bhutan
- ↑ (2004) The DOHA Development Agenda. United Nations Publications, 201. ISBN 92-1-120338-4.
- ↑ Jennifer Kitts, Janet Hatcher Roberts (1996). The Health Gap: Beyond Pregnancy and Reproduction. International Development Research Centre (Canada), 97. ISBN 0-88936-772-8.
- ↑ Catherine Mears, Helen Young (1998). Acceptability and Use of Cereal-based Foods in Refugee Camps. Oxfam, 49. ISBN 0-85598-402-3.
- ↑ Ramakant, Ramesh Chandra Misra (1996). Bhutan: Society and Polity. Indus Publishing, 149. ISBN 81-7387-044-6.