Jump to content

بیٹا پارٹیکل

آزاد انسائیکلوپیڈیا، وکیپیڈیا توں
منفی بیٹا کٹاؤ

بیتا جوڑ بہت طاقتور تے تیز رفتار والے برقیاں یا مثبرقیاں جوڑ ہوندے نیں جیہڑے تابکار نیوکلئی چھڈدے نیں۔ بیتا جوڑ آئیونائیزیشن تابکاری دے طور تے چھڈے جاندے نیں جیہناں نوں بیتا شعاع وی کہیا جاندا اے۔ جدوں کوئی عنصر بیتا جوڑ چھڈدا اے ایس کم نوں بیتا کٹاؤ کہیا جاندا اے۔ بیتا کٹاؤ دیاں دو قسماں ہوندیاں نیں: مثبت بیتا کٹاؤ تے منفی بیتا کٹاؤ مثبت بیتا کٹاؤ وچ مثبرقیاں چھڈیا جاندا اے تے منفی بیتا کٹاؤ وچ برقیاں چھڈیا جاندا اے۔ بیتا جوڑ نوں یونانی حرف β نال لکھیا جاندا اے۔

قسم[سودھو]

منفی بیتا کٹاؤ(β)[سودھو]

اک نچلا جوہری نویہ جیہدے وچ تعدیلہ زیادہ ہو جاندے نیں وچ بیتا کٹاؤ ہوندا اے تعدیلہ اک اولیہ، برقیہ تے ضد نیوٹرینو چ بدل جاندا اے۔ منفی بیتا کٹاؤ جوہری ریایکٹراں وچ ہوندا اے۔

مثبت بیتا کٹاؤ(+β)[سودھو]

جس نچیلے جوہری نویہ وچ اولیاں بوہتے ہون مثبت بیتا کٹاؤ کردا اے۔ ایس وچ اولیہ، تعدیلہ، مثبرقیہ تے برقیہ دی طرح دے نیوٹرینو چ بدلیا جاندا اے۔

وریتا جانا[سودھو]

ایہنوں اکھاں تے ہڈیاں دے کینسر دا علاج کرن واسطے ورتیا جاندا اے۔ ایہنوں ٹریسر دے طور تے وی ورتیا جاندا اے۔ سٹرونٹصر 90 نوں بیتا جوڑ بنان واسطے عام طور تے ورتیا جاندا اے۔ ایہنوں شیواں دے کوالٹی ناپ واسطے ورتیا جاندا اے۔