تمغا
_Medal.png)
_Medal.png)
تمغا (پراݨی ترکی: 𐱃𐰢𐰍𐰀، رومنائزڈ: tamga, lit. 'stamp, seal'؛ ترکی: damga؛ منگولیا: tamga؛ Adyghe: тамыгъэ، رومنائزڈ: tamığə؛) عام طور تے کِسے خاص قبیلے یا خاندان دا نشان ہُندا سی۔ تمغا کلاسیکی قدیم تے قرون وسطا وچ یوریشیئن ٹپری واساں تے اوہناں توں متاثر ثقافتاں وچ عام سی۔
عام ترک تمغے دا مطلب "اک 'برانڈ' یا ملکیت دا نشان اے جو گھوڑےآں، مویشیاں تے ہور جانوراں اُتے رکھیا گیا۔ ایہدی بہت ابتدائی تریخ، یورپی کوٹ آف آرمز دی بنیاد بݨی۔
جدید ترک لوکاں وچ تمغا اک مخصوص ترک قبیلے ناݪ تعلق رکھݨ آݪی جائیداد یا مویشیاں دی نشاندہی کرن واݪا ڈیزائن اے، عام طور تے مویشیاں دے برانڈ یا ڈاک ٹکٹ دے طور تے۔ ترکستان وچ ایہ اوہی اے جو اصل وچ سی یعݨی مویشیاں دا برانڈ تے قبیلا شناخت کرن واݪا۔ مشرقی اناطولیا تے ایران وچ لوک اپݨے قبیلے دے تمغےآں دا اِستعمال کردے رہے، درحقیقت اوہ اعلا قومیئت اُتے مبنی تصویر بݨ گئے۔ آق قویونلو تے قرہ قویونلو نے یوریشیا دے بہت سارے دوسرے شاہی خانداناں ونگوں اپݨے چعھنڈےآں اُتے اپݨا تمغا لایا تے اپݨے ٹھیپےآں اُتے ایہدی مہر لائی۔
ہڑپا رہتݪ دے تمغے[سودھو]
قدیم ترین تہذیباں وچ وی تمغےآں اِستعمال ہُندا سی، آثار قدیما تے فن دی تریخ وچ ایہناں دی بہت اہمیت اے۔ پنجاب دی قدیم ہڑپا رہتݪ وچ مٹی، پتھر، دھات تے ہور مواد ناݪ نقش ہوئے تمغے دریافت ہوئے، جیہڑے ہڑپا میوزیم وچ محفوظ نیں۔ ایہناں تمغے آں اُتے مُختلف جانوراں دیاں تصویراں نقش نیں۔
پاکستان وچ تمغا بطور اعزاز[سودھو]
پاکستان وچ تمغا، سرکاری اعزاز دے طور تے اِستعمال کیتا جاندا اے، ایہ ملٹری تے سولیئن دوویں نیں۔ ایہناں وچ تمغا جرأت، تمغا امتیاز، تمغا خدمت تے تمغا بسالت سمیت کئی تمغے شامل نیں۔