ججورانا

ججورانا
دیس:	جنور
برادری:	کورڈیٹ
ٹولی:	پنچھی
ٹبر:	مور ٹبر
سائینسی ناں:	Tragopan melanocephalus

ججورانا اک مدرے ناپ دا سوہنے پرانوالا بن ککڑ اے جیہڑا ہزارہ پاکستان توں اترکھنڈ ہندستان تک ہوندا اے۔ مور ٹبر دے ایس پنچھی دی گنتی تھوڑی رہ گئی اے۔

وکھالہ

نر گالا سانوالا ہوندا اے جیدے تے چٹے ٹھمکنے ہوندے نیں۔ چٹے ٹھمکنیاں دے دوالے کالے گھیر ہوندے نیں تے ایہ ایہدے پاسیاں تے مگر تے ہوندے نیں۔ گلا ننگا تے نیا اے، سر کالا اے۔ چھاتی دے پر رتے تے کھٹے رنک دے ہوندے نیں۔ تؤن پجھے وی رتے پر ہوندے نیں۔ چھوٹی پوجھل انت توں پوری کالی ہوندی اے۔ مادھ دے پر ہلکے رنگاں دے ہوندے نیں۔

نر دا جوکھ 1.8–2.2 کلو تے مادھ دا 1.25–1.4 کلو ہوندا اے۔ نر 55 توں 60 سیٹی میٹر دے جد کے مادھ 48 توں 50 سینٹی میٹر دے ہوندے نیں۔

پسار

ایہ پاکستان وچ کوہستان، کاغان توں لے کے چڑھدے ول کشمیر تے اتر کھنڈ ہندستان تک ملدا اے۔ ایہ 1,750 توں لے کے 3،600 میٹر تک اچیاں تھانوان تے ریندے نیں تے گرمیاں وچ ہور اجائی تے جلے جاندے نیں۔ ایہ کھنے جوڑے پتیانوالے رکھاں وچ وسنا پسند کردے نیں۔