جرمن سپینیل

آزاد انسائیکلوپیڈیا، وکیپیڈیا توں
جرمن سپینیل
جرمن سپینیل
دیس : جرمنی
جوکھ : نر 20–30 کلوگرام
قد : نر 46–53 سینٹی میٹر (18–21 انچ)
رنگ: گوڑا بورا، چٹا، کالا، رتہ
جیون ورے: 13 - 11
سائنسی ناں: Canis lupus familiaris

جرمن سپینیل (جرمن: Deutscher Wachtelhund ) اک جرمن کتا اے جیدی نسل 1890 وچ بنائی گئی سی۔ ایہ اک وشکارلے ناپ دا تکڑا شکاری کتااے۔ جینوں راکھی یا کعر وچ رکھن لئی پالیا جاندا اے۔ ایہ اک پرانی جرمن نسل سٹوبرر توں بنایا گیا سی۔ ایہ پورے رنگ وچ آندا اے جیدے تے کدے کتے کتے چٹے نشان بنے ہوندے نیں۔

تریخ[سودھو]

فریڈرک روبرتھ اک جرمن کتے پالنوالے دے ناں ایس دے بنان دا سہرا لگدا اے۔ ایس دے بنان وچ کئی نسلاں رلایاں گیاں پر سب توں اہم نسل سٹروبر سی جیہڑی ہن نہیں رئی۔ 1903 وچ ایہنوں اک وکھری نسل منیا گیا تے جرمن سپینیل کلب دے نام تے کلب بنادتا گیا۔ برطانیہ دے لارڈ چانسلر دا ایہ پسندیدہ کتا سی۔ جرمنی وج جنگلاں وچ جانوالیاں تے شکاریاں کول ایہو ای کتا ہوندا سی۔ 1960 تے 70 دے دھاکیاں وچ ایہنوں امریکہ لیایا گیا تے ایہناں وچوں ای اگے کتے کینیڈا لیاۓ گۓ جیہڑے رچھاں نوں کسے تھاں توں کڈھن لئی کم آندے نیں۔

وکھالہ[سودھو]

ایہ اک تکڑا تے وڈیاں ہڈیاںوالا، لمے چھوکھے والاں والا کتا اے۔ ایہ پینڈا بنیا ہوندا اے تے ایس باہجوں ایہ خرگوش تے لومڑی نوں قابو کرلیندا اے۔ کن لمے ہوندے نیں تے نک دی تھوتھنی تک اپڑ جاندے نیں۔ کنڈ توں ایہ 18–21 انچ(46–53 سینٹی میٹر) تک اچا ہوندا اے۔ نک توں لے کے پوچھل دے انت تک ایہ اپنی اچائی دا دگنا ہوندا اے۔ ایہدا پآر 44–66 پاؤنڈ (20–30 کلو) تک ہوندا اے۔ وال سر تے نکے پر ریندے پنڈے تے لمے ہوندے نیں۔

مورتاں[سودھو]

ہور ویکھو[سودھو]

بارلے جوڑ[سودھو]