جل محل

جل محل
انتظامی تقسیم
ملک	بھارت
وقوع تھاں	جے پور
تقسیم اعلیٰ	جے پور
متناسقات	26°57′12″N 75°50′46″E
جیو رمز	7303258
[مکمل اسکرین پر]

جل محل بھارت دے راجستھان، دے راجگڑھ جے پور دے مانساگر جھیل دے وچکار واقع اک مشہور تریخی محل اے۔ اراولی پہاڑیاں دی گود وچ اسریا ایہہ محل جھیل دے وچ بنیا ہون کرکے اسنوں آئی بال وی کیہا جاندا اے۔ اسنوں رومینٹک محل دے نام نال وی جانیا جاندا اے۔ جےَ سنگھ ولوں اساری کروائے گئے اس محل وچ پرانے محلاں وانگ ہی، محراباں ، برج، چھتریاں اتے پوڑیاں وی ہن۔ ایہہ محل مربع سائز وچ اے۔

جل محل پرواسی پنچھیاں لئی کھچّ دا مرکز اے ۔ اس محل دی نرسری وچ اک لکھ توں وی ودھ پودے ہن اتے راجستھان دے سبھ توں اچے پودے وی ملدے ہن۔

تریخ

پانی مہل دے نزدیک مانساگر ڈیم

جے پور آمیر رستا تے مانساگر جھیل وچ جل محل دی اساری راجا سوائی جےَ سنگھ دوجا نے اشومیگ جگّ توں بعد اپنیاں رانیاں اتے پنڈت نال اشنان کرن لئی اس محل دی اساری کروائی سی۔ اس محل دے اساری توں پہلاں جے سنگھ نے جے پور دی پانی ضرورت لئی گربھبتی ندی اتے بنھ بنوایا اتے مانساگر جھیل دی اساری کروائی۔ اس 300 ایکڑ وچ پھیلیا ہویا اے۔ اسدے اساری لئی راجپوت سٹائل نال تیار کیتیاں گئیاں کشتیاں دی مدد لئی گئی سی۔ راجا جےَ سنگھ اس محل وچ اپنیاں رانیاں نال خاص سماں وتیت کردے۔ اس محل وچ راج تقریباں وی کروائیاں جاندیاں سی۔

بنتر

مرمت ہون تو بعد پانی محل

پرانے محلاں وانگ ہی، محراباں ، برج، چھتریاں اتے پوڑیاں وی ہن۔ ایہہ محل مربع سائز وچ اے۔ اپر والی منزل دے چارے کناریاں اتے سنگمرمر دی اساری کیتی گئی اے۔

خاصیت

گرم ریگستان وچ اسارے گئے اس محل وچ گرمی نہیں لگدی، کیوکی اسدے کئی تل پانی دے اندر بنائے گئے ہن۔ اس محل توں پہاڑاں اتے جھیلاں دا خوبصورت نظراں ویکھن نوں ملدا اے۔ چاننی رات وچ اس محل دا پانی وچ دکھدی تصویر بہت ہی سوہنی لگدی اے۔ اتھے 40 سال پرانے پودیاں نوں نواں جیون دتا گیا اے۔

مورتاں

Jal Mahal at night.

Jal Mahal Palace

ہور ویکھو

• جے پور
• ہوا محل
• سٹی پیلیس، جے پور

حوالے