ادیگیا
| ادیگیا | |
| روس دی وفاقی جمہوریہ | |
 |
 |
.svg)
| |
| روس دے نقشے چ ادیگیا | |
| راجگھر |
مائیکوپ |
| بولیاں | روسی ، ادیگے بولی |
| مذہب | اسلام |
| حثیت |
روس دی خودمختار جمہوریہ |
| قیام | 27 جولائی 1922ء |
| رقبہ | 7،600 مربع کلومیٹر |
| رقبے دے لحاظ نال روس چ درجہ |
80واں |
| آبادی (2024ء دے مطابق) | |
| آبادی | 5،00،591 افراد |
| روس چ آبادی دے لحاظ نال درجہ | 74واں |
| کثافت آبادی |
59 افراد فی کلومیٹر |
| شہری : | ساڈھے 52 فیصد |
| دیہی: | ساڈھے 47 فیصد |
| صدر : | اسلان تخاکوشینوف |
جمہوریہ ادیگیا روس دی اک وفاقی اکائی اے ۔ جہڑی کراسنودر کرائی چ واقع اے ۔ اس دا رقبہ 7،600 مربی کلومیٹر اے تے آبادی ساڈھے 4 لکھ اے ۔ اے جمہوریہ دا راجکھر مائیکوپ شہر اے ۔
جغرافیہ
[سودھو]ادیگیا چڑھدے دکھنی یورپ چ کوہ قفقاز دے اتلے اخیرلے حصے چ واقع اے ۔ اس دے اتلے چ میدانی علاقہ تے دکھن چ پہاڑ نیں ۔ اس دے کل رقبے دے 40 فیصد حصے تے جنگلات نیں ۔
- رقبہ:7،600 مربع کلومیٹر
- سرحداں: ادیگیا مکمل طور تے کراسنادر کرائی چ گھیریا (کعیریا) ہویا اے
- سبتوں اچی تھاں:چوگوش پہاڑ (3،238 میٹر)
دریا
[سودھو]دریائے کوبان قفقاز دے علاقے دا اک اہم دریا اے تے جہازرانی دے قابل اے۔ ایہہ ادیگیا تے کراسنادر کرائی دی اتلی سرحد دا کجھ حصہ تشکیل دیندا اے ۔
قدرتی وسائل
[سودھو]جمہویہ قدرتی وسائل نال مالامال اے ، جس چ قدرتی گیس تے معدنی تیل شامل اے ۔ دوجے معدنیات چ سونا ، چاندی ، ٹنگسٹن تے لوہا شامل اے ۔
موسم
[سودھو]ادیگیا چ سردیاں چ جنوری چ اوسط درجا حرارت منفی 5 ڈگری سینٹی گریڈ رہندا اے تے گرمیاں چ جولائی دا اوسط درحہ حرارت 23 ڈگری سینٹی گریڈ رہندا اے ۔
تریح
[سودھو]ادیگے لوک اتلے لہندے قفقاز دے قدیم باسی نیں ، اینہاں نوں 13ویں صدی عیسوی توں گئی وار چرکیسی وی آکھیا جاندا اے ۔
چرکیس (ادیگے) خودمختار اوبلاست ، روسی ایس ایف ایس آر چ ادیگے لوکاں دے اکثریتی علاقے کوبان کالا سمندر اوبلاست چ 27 جولائی 1922ء چ قائم کیتا گیا ۔ اوس ویلے اسدا انتظامی مرکز کراسنادر شہر سی ۔ اس دا ناں 24 اگست 1922ء چ بدل کے ادیگے (چرکیس) خودمختار اوبلاست رکھ دتا گیا ۔ اپنے قیام دے پہلے دو سال ایہہ خودمختار صوبہ روسی ایس ایف ایس آر دا حصہ رہیا ، پر 17 اکتوبر 1924ء اسنوں آر ایس ایف ایس آر' (روسی اشتراکی جمہوریہ) چ نویں بنائی گئی اتلا قفقاز کرائی چ شامل کر دتا گیا ۔
