قفقاز
| کوہ قاف | |
| پربت دھار | |
| |
| کوہ قاف دا اک پنڈ | |
| دیس |
روس ایران ،جارجیاآرمینیا آذربائیجان |
| اچی چوٹی | ماؤنٹ البرز |
| اچائی | 5,642 میٹر |
| |
| قفقاز دا نقشہ | |
قفقاز یا کوہ قاف کالا سمندر تے کیسپیئن سمندر دے وشکار اک پربت دھارا اے ، جہڑا ایشیاء نوں یورپ توں وکھرا کردا اے ۔
کوہ قاف دے پربت دھارا دی سب توں اچی چوٹی کوہ البرز اے ، جہڑی 5642 میٹر اچی اے ۔ ایہہ حالے تیکر پکی گل نیں جے کوہ قاف ایشیاء چ اے یا یورپ چ اے ، اس لئی ایہہ وی پکی گل نئیں کہ یورپ دا سب توں اچا پہاڑ البرس اے یا الپس دے پربت دھارا دا ماؤنٹ بلانک اے جس دی اچائی 4806 میٹر اے ۔ کوہ قاف دے رہن والے زیادہ تر قبیلے مسلمان نیں۔
جغرافیہ[لکھو]
کوہ قاف یاں قفقاز ، روس دیاں مسلمان ریاستاں داغستان ، چیچنیا ، انگوشتیا ، کیبرڈینو بلکاریہ ، کراچائیوو چرکسیا تے اوسیتیا دے علاقےآں تے مشتمل اے ۔ گرجستان (جارجیا) ، آرمینیا تے آذربائیجان دے علاقے قفقاز پار دے علاقے چ شامل کیتے جاندے نیں ۔
لوک[لکھو]
قفقاز دے رہن آلے بوہتے لوک مسلمان نیں ۔ پر کجھ علاقےآں چ روسی اثر پاروں آرتھوڈوکس سعائی اکثریت وی اے ۔ کوہ قاف دے رہن آلے لوکاں دا تعلق قفقاز دی مقامی نسل نال اے ۔ کجھ ریاستاں ترک نسل تے کجھایرانی نسل دے باسندےآں تے وی مشتمل نیں ۔
بولیاں[لکھو]
کوہ قاف دیاں بوہتیاں قوماں مقامی پہاڑی بولیاں بولدیاں نیں جناں دی گنتی سینکڑےآں چ اے ، صرف داغستان چ ای 40 توں ودھ نسلی گروہ نیں جہڑے سب اپنیاں اپنیاں بولیاں بولدے نیں ۔ کجھ بولیاں دے بولن آلے دی گنتی صرف ہزاراں چ اے ۔ ترک بولیاں دے گروہ دیاں بولیاں وی کجھ علاقےآں چ بولیاں جاندیاں ، جنہاں چ آذری بولی ، آذربائیجان تے داغستان دے کجھ علاقے چ بولی جاندی اے ۔
ایرانی بولیاں نال تعلق رکھن آلی بولیاں آرمینیا تے اوسیتیا چ بولیاں جاندیاں نیں ۔