حمورابی

وکیپیڈیا توں
جاؤ: پاندھ, کھوج

حمورابی اٹھارویں صدی قبل مسیح چ قدیم بابل دے پہلے شاہی خاندان دا 6واں تے سب توں مشہور بادشاہ سی ۔ جس نے سمیریہ تے اکادیہ یعنی جنوبی عراقنوں اپنی سلطنت چ شامل کیتا ۔ تے لرسا دی ایلمی بادشاہ نوں شکست دے کے اسدے علاقیاں تے قبضہ کرلئیا ۔ پر حمورابی اپنی فتوحات توں زیادہ اپنے ضابطہ قوانین دی وجہ توں مشہور ہوئیا ۔ حمورابی دا قنونی ، آئینی تے اخلاقی ضابطہ دنیا دا سب توں پرانا ضابطہ اے کہندے نیں کہ بنی اسرائیل دے ضابطے وی اس توں ای ماخوذ نیں ۔ انجیل چ اسدا ناں رافیل فرمانروۓ شنارسمیریہ اے ۔ ضابطہ قوانین چ عدالت ، واہی بیجی ، آبپاشی ، جہازرانی ، غلاماں دی خرید و فروخت ، آقا تے غلام دے تعلقات ، شادی ویاہ ، وراثت ، ڈاکا تے چوری وغیرہ دے متعلق قنون دے اصول بیان کیتے گۓ نیں ۔ ایہہ ضابطہ قنون پتھر دیاں تختیاں تے کندہ اے تے اجکل برٹش میوزیم چ محفوظ اے ۔

حمورابی نے کافی زیادہ عمارتاں بنوائیاں تے نہراں کھدوا کے آبپاشی دا نظام درست کیتا ۔