خلافت راشدہ

آزاد انسائیکلوپیڈیا، وکیپیڈیا توں
خلافت راشدہ
Rashidun Caliphate
632–661
خلافت راشدہ
راجکعر: مدینہ، کوفہ
سرکار: لوک راج

خلافت راشدہ کج تریخ لکھاریاں دی اک وچ عرب تریخ دا اک ویلہ اے جیہڑا پیغمبر اسلام حضرت محمد صلی اللہ علیہ و آلہ وسلم دے اس دنیا توں ظاہری پردے توں لے کے چوتھے خلیفہ راشد امیر المومینین امام علی ابن ابی طالب تک اے۔ اینج ایہ ویلہ 632 توں 661 تک بندا اے۔ خلیفہ عثمان دے مدینہ وچ قتل ہون تے ایدے قاتلاں توں قصاص لین دے ناں تے معاویہ دی امام علی نال لڑائیاں تے امام علی دی شہادت دے بعد معاویہ دے حکومت اُتے قبضہ نے اس خلافت دا انت کیتا ۔ ایدا راج لیندے ایشیاء تے اتلے افریقہ تک سی۔

خلافت عربی بولی دا شبد اے۔

ایہ خلافت ابوبکر دے 632 وچ مدینہ وچ خلیفہ بنن تے ٹری اوہناں دا جوڑ عرب دے قبیلے قریش نال سی تے اوہ 13 ورے پہلے مدینہ وچ مکلہ توں دیس نکالہ لے کے اۓ سن۔ پیغمبر اسلام محمد دے مرن تے اوس ویلے بنن والی عرب اسلامی سرکار دی سرداری لئی مدینہ دے اصل لوک دے محمد دے ساک علی وی سوچ رکھدے سن پر گل بات کرکے ابوبکر نوں خلیفہ بنا لتا جاندا اے۔

ابوبکر دے فلیفہ بنن ویلے ایہ عرب دے کج نکراں تے تھانواں تے پھیلی سی اینوۂ ایدے مڈ توں ای رپھڑ ٹکرے پر ایہ تھوڑے جر وچ ای ایہدہ زور عرب تے فیر لیندے ایشیاء تے اتلے افریقہ تک اپڑیا۔ ایس سرکار دے منے پرمنے جرنیلاں خالد بن ولید ابوعبیدہ ابن الجراح تے عمرو ابن العاص نے روہی وج چلن والی ہنیری وانگوں لیندے ایشیاء نون اپنی لپیٹ لےلیا تے عرب تریخ دی پہلی وڈی سرکار وجود وچ آئی۔ ایس عرب سرکار دے وادے دا کم پہلے تن خلیفیاں ابوبکر، عمر تے عثمان ویلے ٹردا ریا۔ چوتھے خلیفہ علی ویلے کوئی وادھا نا ہویا ۔