داج قلموس

ACORUS CALAMUS

ایہ اک نیم آبی پودا اے جو بنیادی طور تے امریکا تے یورپ وچ ہُندا سی پر ہُݨ جنوبی ایشیا وچ وی دریاواں ، ندی نالےآں تے ایہجے آبی ذخیرےآں دے کنڈھےآں اُتے اُگدے نیں جِتھے مینھ بوہتا پیندا اے ۔ پاکستان وچ کاغان تے ہنزا دے علاقےآں وچ ملدا اے ۔ ترکی وچ ایہ اِنا زیادہ ہُندا اے کہ ایہنوں طب یونانی وچ وج ترکی دا نام دِتا جاندا اے ۔ ایہدے تُرکی نام دا بگاڑ ای لاطینی وچ اکورس بݨ گیا ۔ ایہ اک خوشبودار پودا اے جیہدیاں جڑاں زیادہ خوشبودار ہُندیاں نیں ۔ ایہدا قَد اک فُٹ توں گَھٹ ہُندا اے ۔ فارسی وچ ایہنوں "اگر ترکی" ، عربی وچ "زریرہ" ، سنسکرت وچ "اگراگرنتهی" تے انگریزی وچ "سویٹ فلیگ" کہیا جاندا اے ۔