درا خیبر
پاکستان دی اتلی لہندی سرحد تے پشاور توں کچھ میل دور ، 33 میل لمبا اک درہ اے ۔ ایہ اُچّے خشک تے دشوار گزار پہاڑاں چ گھریا ہوئیا اے ۔ اس دی چوڑائی اک تھاں توں صرف 10 فٹ اے ۔ ایہہ پاکستان تے افغانستان دے وچکار آواجائی دا سب توں وڈا ذریعہ اے ۔ تریخ چ اسنوں بوہت اہمیت حاصل اے ۔ برصغیر(ہندستان) چ اتلے لہندے ولوں جنے وی فاتح آئے ،اوہ ایسے راہ توں آئے ۔ انگریزاں نے 1879ء وچ ایہدے اُتے قبضہ کیتا ۔ درہ خیبر جمرود توں شروع ہندا اے تے طورخم تک چلا جاندا اے ۔ جیہڑی پاک افغان سرحد اُتے آخری چوکی اے ۔