رجنیش تحریک

رجنیش لہر بھارتی رہسوادی شری رجنیش (1931–1990)، جنہاں نوں اوشو وی کیہا جاندا اے،توں متاثر لوکاں،خاص طور تے اوہناں پیروکاراں دا جنہاں نوں "نوَ-سنیاسی"  جاں صرف "سنیاسی" کیہا جاندا اے، دی تحریک اے۔ اوہناں نوں رجنیشی جاں سنتری لوک کیہا جاندا سی کیونکہ اوہ 1970 توں 1985 تک پہلاں نارنگی اتے بعد وچ لال، میرون اتے گلابی کپڑے پہندے سن۔ بھارتی پریس وچ تحریک دے میمبراں نوں کئی واری اوشوآئیٹس کیہا جاندا اے۔

1970ویاں اتے 1980ویاں وچ تحریک بھارت وچ اتے بعد وچ امریکہ وچ اختلافی رہا، کیونکہ اس دا بانی مستقل قدراں قیمتاں تے روایتاں دا دشمن سی۔ سوویت یونین وچ لہر اتے "بھارتی سبھیاچار دے ہاندرو پہلوآں اتے مغربی دیساں وچ نوجواناں دی روس لہر دے ٹیچیاں" دے الٹ ہون کرن پابندی لگائی گئی سی۔ اوشو نوں ایہہ "مثبت پہلو" توڑن والے دے طور تے دیکھیا گیا سی، جس نوں بھارت دی مناپلی برزوازی دے پچھاکھڑی مذہبی وچاردھاری دے روپ وچ پیش کیتا گیا سی، جو اک روایتی ہندو بھیس وچ کھپتکار سماج دے وچاراں نوں مُتحرک کر رہا سی۔

اوریگن وچ 1980 دے دہاکے دے شروع وچ تحریک دے اک وڈے ارادتاً بھائیچارے، جس نوں رجنیشپرم،  کیہا جاندا سی، اس نال نیڑلے شہر اینٹیلوپ نوں اتے بعد وچ ڈیلز دی کاؤنٹی سیٹ ملّ لین دے یتناں کرکے مقامی بھائیچارے وچ تناء پیدا ہو گیا سی۔  ایہناں تنااں دے سکھر اُتے رجنیشپرم اوریگن کمیون دے پرمکھ میمبراں دا اک گروہ گرفتار کیتا گیا سی۔ اوہناں تے جانبجھّ کے کھان والیاں چیزاں زہریلے بناؤن دے الزام شامل سن۔ کتھت طور تے اوہناں نے مقامی چوناں دے نتیجیاں نوں اپنے حق وچ متاثر کرن لئی اجہِ سکیم بنائی سی، جو آخرکار ناکام ہو گئی سی۔  مقامی ریسٹورٹاں اتے دوکاناں وچ سلاد پیداواراں نوں متاثر کرن لئی سیلمونیلا دی ورتوں کیتی گئی سی، جس نال سینکڑے لوک زہر توں متاثر ہوئے سی۔ بھگوان، جواس ویلے رجنیش نوں بلایا جاندا سی، نوں 1985 وچ اس دے سٹاف اتے سجا ہتھ ماں انند نوں حملے دے دوشی پائے جان تے سزاواں دے بعد اس دی الپھورڈ اپیل دے اک حصے دے روپ وچ امریکہ توں کڈھ دتا گیا سی۔ تحریک دا ہیڈکواٹر انت وچ پونا (اج-کل پنے)، بھارت واپس آ گیا۔ ایہہ کمیون عامَ طور اُتے دھیان اتے مشتمل سی اتے اوہناں نے بہو پریمی وچاراں دا پرچار کیتا۔ جدوں تحریک اوریگن وچ آیا تاں انوائی زیادہتر نوجوان اتے کالج پڑھے-لکھے سن۔ ایہہ کمیون لمے ویلے لئی کھلھا نہ رہا، اسدے آگوُ نوں امریکہ توں کڈھ دے کارن ایہہ ٹھپّ ہو گیا۔ اوریگن کمیون ستمبر 1985 وچ تباہ کر دتا گیا سی۔ 

بھارت وچ تحریک نوں ہولی ہولی آلے دوآلے دے سماج توں ودھیرے مثبت ہنگارا ملیا، خاص طور تے 1990 وچ بانی دی موت توں بعد۔ اوشو انٹرنیشنل فاؤنڈیشن (اوائیئیپھ) دا اسدی موت توں پہلاں اوشو ولوں قائم "اندرونی سرکل" ولوں پربندھ کیتا جاندا اے۔ اوہ سانجھے طور تے اوشو دی جائداد دا پربندھ کردے ہن اتے پنے وچ اوشو انٹرنیشنل میڈیٹیشن رزارٹ چلاؤندے ہن۔

1990 ویاں دے اخیر وچ، مخالف دھڑیاں نے اوشو دیاں رچناواں تے اوئیئیپھ دے کاپیرائیٹ اتے اوہناں نوں چھاپن جاں مڑ چھاپن بارے اسدے رائلٹی داعویاں دی موزونیت نوں چیلنج دتی۔۔امریکہ وچ، اوشو فرینڈز انٹرنیشنل (اوفائی) نال 10 سال دی قانونی لڑائی دے بعد، جنوری 2009 وچ او آئی ایف دے ریڈمارک OSHO دے نرول اپنے حق نہیں رہے ۔

بھارت اتے امریکہ، برطانیہ، جرمنی، اٹلی اتے نیدرلینڈ سمیت دنیا بھر وچ تحریک دے کئی چھوٹے چھوٹے مرکز ہن۔

شروعات

اوشو نے عوامی طور تے 1958 وچ پروعدہ دینا شروع کیتا، جدوں اوہ جبلپور یونیورسٹی دے فلسفہ دا اک لکچرار (بعد وچ پروفیسر) سی۔  اسنے 1960 دے دہاکے دوران پورے بھارت وچ لکچر دتے، اتے دھیان اتے مکت پیار دے آدرشاں نوں مُتحرک کیتا۔ ایہہ سول لبرٹینی فلسفے دے بنیاد تے اک سماجی تحریک سی جو نجی تعلقاں وچ راج دے قابو اتے مذہبی دخل اندازی نوں ردّ کردا اے؛ اسنے ویاہ نوں خاص کرکے عورتاں لئی، سماجی بندھن دے روپ وجوں نکاریا۔ اس نے سماج واد اتے گاندھی دی تنقید کیتی مگر سرمایہ داری، سائنس، تکنالوجی اتے زیادہ آبادی دے خلاف چیتاونی دندے ہوئے برتھ کنٹرول دی وکالت کیتی،  اتے اوہناں مذہبی سکھیاواں دی نقطہ چینی کیتی جو غریبی اتے ماتحتی نوں ودھاؤندیاں ہن۔