رشید انور

ڈاکٹر رشید انور (7 ستمبر 1923) اک پاکستانی شاعر اتے غزل کار سی۔ رشید انور دا جم سندھو جٹاں دے گھر 7 ستمبر 1923 نوں ہویا۔ رشید نے 1942 وچ میاں والی توں میٹرک پاس کیتی۔ کجھ سماں رشید نے اریگیشن ڈیپارٹمنٹ وچ نوکری کیتی پر پھیر ہوموپیتھی کالج لاہور توں ڈاکٹری دا کورس کر کے ڈاکٹری دا پیشہ اختیار کیتا۔رشید انور نے پنجابی ادتھی لیگ دے پرچے، پنجابی زبان دا بہت دیر اڈیٹنگ کیتا۔ رشید انور دے تن شعری مجموعے 'منزلاں'، 'لمیاں اڈاریاں' اتے 'یاداں' چھپ چکے ہن۔

رشید انور دی رچنا

آپو اپنے پتھر لے کے نال گھراں توں آئیو،
منگویں پتھراں نال میں دل نوں نئیں سنگسار کراؤنا۔
آ کاغذ دے پھلّ سزاواں تیریاں زلفاں اتے،
نہ ایہناں دا رنگ بدلنے نہ ایہناں کملاؤنا۔
'انور' وی ہن سمجھ گیا اے پیار دے طور طریقے،
اگّ دے اتے برف پکاؤنی، پتھر پھلّ بناؤنا۔