ساراواک بادشاہت

ساراواک بادشاہت
1841ء توں 1946ء
فائل:ساراواک بادشاہت دا جھنڈا.svg	فائل:ساراواک بادشاہت دا نشان.png
جھنڈا	نشان

ملائشیا دے نقشے چ ساراواک
راجگھر	کوچنگ
بولیاں	انگریزی ، چینی ملائی تے ابان بولیاں
مذہب	پہلے شمانزم فیر اسلام
طرز حکومت	بادشاہت
راجہ
1841ء توں 1868ء	جیمز بروک
1868ء توں 1817ءء	چارلس انتھونی جانسن بروک
1917ء توں 1946ء	چارلس وینر بروک
قنون ساز ادارہ	کونسل نیگری
تریخی ویلا	نواں امپیریلزم
آزادی	18 اگست 1841ء
پروٹیکٹوریٹ بنی	30 14 جون 1888ء
برطانیہ چ انضمام	30 جون 1946ء
ملائشیا دے وفاق ج شمولیت	16 ستمبر 1963ء
رقبہ	1,44,450 مربع کلومیٹر
کرنسی	ساراواک ڈالر

سلطنت ساراواک ، سر جیمز بروک نے 1842ء چ سلطنت برونائی دے جزیرہ بورینو دے کجھ علاقے آزاد کروا کے قائم کیتی ۔ 1888ء چ جیمز بروک دے جانشین چارلس انتھونی بروک نے ریاست نوں برطانیہ دے تحفظ چ دے دتا جہڑا کہ 1946ء تک جاری رہئیا ،جدوں تیجے راجے چارلس وینیر بروک نے برطانوی تحفظ توں علیحدگی اختیار کر لئی ۔ 1963ء توں ساراواک ملائشیا دی اک ریاست اے ۔

تریخ

ساراواک سلطنت برونائی دا حصہ سی ۔ پانگیران اندیرا ماہکوتا دے عہد چ ساراواک انتشار دا شکار سی ۔ برونائی دے سلطان عمر علی سیف الدین II (دور حکومت:1827ء توں 1852ء) نے 1839ء چ پانگیران مودا ہاشم نوں حکم دتا کہ اوہ ایتھے امن قائم کردے ۔ ایس ویلے جیمز بروک ایتھے آئیا ۔ پانگیران مودا ہاشم نے ابتداء چ اس نوں مدد لئی آکھئیا پر اسنے انکار کر دتا ۔ 1841ء چ جیمز بروک فیر ساراواک آئیا اسنے پانگیران مودا ہاشم دی مدد کرن تے آمادگی ظاہر کیتی ۔ اسنے اک معاہدے کیتا جس راہیں ساراواک تے سینیان دا انتظام جیمز بروک دے حوالے کردتا گئیا ۔ پانگیران مودا ہاشم نے اسنوں گورنر دا عہدہ دتا ۔ ایداں ایہہ ساراواک دا راجہ بن گئیا تے ، ساراواک چ چٹا راجہ ٹبر دی حکومت دی بنیاد رکھی ۔ بعد چ برونائی دے سلطان نال اک معاہدے دے زریعے جیمز بروک نے اپنا انتظام ودھائیا تے سلطان کولوں کافی وڈا علاقہ لے کے ساراواک دا پہلا چٹا راجہ بن گئیا ۔ ویلے دے نال نال ساراواک دا رقبہ بوہت تیزی نال ودھئیا ، کیونجے ہور علاقے برونائی توں لیز تے لئے گئے یاں کھو لئے گئے ۔

ہور ویکھو

حوالے

سٹیون رونچیمین ،چٹے راجے: ساراواک دی 1841ء توں 1946ء تک تریخ: کیمبرج یونیورسٹی پریس ،1960 ۔
رانی مارگریٹ بروک:ساراواک چ میرا جیون ، 1913ء ۔