سانچہ:بوآ:تریخ/منتخب تصویر/8

ارم ذات العماد (ارم ستوناں آلا شہر) (en:Iram of the Pillars) یاں عام زبان چ صرف ارم ، قدیم عرب چ قوم عاد دے مرکزی شہر دا ناں سی ۔ ایہہ شہر نوح علیہ سلام دے طوفان دے کافی چر بعد بسئیا تے زبردست ترقی کر گئیا ۔ اس ویلے دے لوک طوفان نوح نوں بھل کے فیر شرک تے بت پرستی ول ٹر پئے سن ۔ اس قوم تے ہود علیہ سلام نوں نبی بنا کے بھیجئیا گئیا سی ۔ جدوں اس قوم نے شرک تے بت پرستی نا چھڈی تے اللہ نے عذاب نازل کر کے اسنوں تباہ کر دتا ۔ اس قوم دے تذکرے نوں کہانی سمجھئیا جانا سی پر اس شہر دے آثار لبھے نیں ، جہڑے کہ ربع الخالی دے ایس حصے چ اے جہڑا اج کل عمان چ شامل اے ۔ اس دے آثار 1984ء چ خلائی شٹل چیلنچر دی مدد نال لبھے گئے ۔ ایہہ شہر 3000 سال قبل مسیح توں لے کے پہلی صدی عیسوی تک اوٹھاں دے اس کاروانی رستے تے آباد سی ، جتھوں ہند عرب تے یورپ تک تجارت کیتی جاندی سی تے ایہہ اپنے زمارے دا اک تجارتی مرکز سی ۔ روایت اے کہ ایہہ شہر اک وڈے طوفان نال تباہ ہوئیا ۔ اسنوں اک ہزار ستوناں دا شہر کہئیا جاندا سی ۔ اس دے ستون بہت اچّے سن ۔ اس دا ذکر قرآن چ سورۃ ھود چ آئیا اے ۔=