سانچہ:/شہدائے کربلا۳۸
قِیس بن مُسَهَّر صیداوی اَسدی، امام حسین بن علی ، کوفیاں تے مسلم بن عقیل وچکار خط رسان (نامہ بر) سن تے قادسیہ چ عبیدالله بن زیاد دیاں فوجاں ہتھوں گرفتار ہوئے تے واقعہ عاشورا توں کجھ دن پہلے شہید کردتے گئے . آپ دا ناں زیارت ناحیہ مقدسہ وچ آندا اے ۔
آپ دا پورا ناں اینج اے: «قیس بن مسهر بن خلید بن جندب بن منقذ بن جسر بن نکرة بن صیداء» است. قبیلہ قیس جو بنی صیدا ناں نال مشہور اے ۔بنی صیداء بنی اسد چ شمار ہندا اے ایسے لئی کجھ ماخذاں چ آپ دا شمار بنو اسد دے شہیداں چ کیتا گیا اے ۔ آپ دے اجداد وچوں کسے دا ناں نکره سی تے ایسے لئی قیس بن مسهر نکری وی لکھیا ملدا اے .
آپ شریف، شجاع تے مخلص اہل بیت رسول سن. کمیت اسدی نے اپنے شعر وچ آپ نوں شیخ بنی صیداء آکھیا اے .
آپ نے واقعہ کربلا توں پہلاں امام عالی مقام ، مسلم بن عقیل کوفیاں وچکار خط رسانی دا کم بوہت خوبی نال سرانجام دتا. آپ نے جہڑے خط لجائے تے لیائے:
- آپ نے کوفیاں دا خط امام حسین بن علی نوں مکہ پہنچایا۔
- مسلم ا بن عقیل دا خط راستے چ حسین بن علی نوں پہنچایا
- حسین بن علی دا جواب مسلم ابن عقیل تک پہنچایا
- مسلم نال سفر چ ہمراہی تے مسلم دا خط امام حسین بن علی نوں بیعت کوفیاں بارے پہنچایا
- حسین بن علی نال ہمراہی تے حسین بن علی دا خط حاجز دی وادی توں کوفیاں تک پہنچایا.
10ماه رمضان نوں عبدالله بن سبع همدانی تے عبدالله بن وال تیمی اہل کوفہ دے وڈی گنتی چ خط امام حسین بن علی کول لے کے پہنچے۔ دو دن بعد، قیس بن مسہر تے عبدالرحمن بن عبدالله ارحبی تے عمارہ بن عبید سلولی کوفیاں دے امام دے ناں ہور ۱۵۰ خط لے کے مکہ پہنچے ۔
اس توں پتا چلدا اے کا قیس کوفہ دے رہن والے سن تے کوفیاں دے خط امام نوں پہنچان مکہ گئے سن ۔ آپ نے مسلم ابن عقیل دی مکہ توں کوفہ تک سفر چ ہمراہی کیتی۔۔۔۔۔۔۔