ساکی ٹبر

وکیپیڈیا توں
Jump to navigation Jump to search
ساکی ٹبر
Pithecia pithecia.jpg
دیس: جنور
برادری: کورڈیٹ
ٹولی: ددپلانے
پتی: آگو مانس
نکی پتی: سکی نک
وڈا ٹبر: نویں دنیا دے باندر
ٹبر: ساکی ٹبر

ساکی ٹبر نویں دنیا دے باندراں دے 5 ٹبراں وچوں اک اے۔ ایلدے وچ ٹیٹی، ساکی، یواکاری باندر آندے نیں۔ لامت ونڈاں برازیل دے ایمیزون برساتی جنگل دیاں وسنیک نیں۔ کجھ اتر ول کولمبیا تے تھلے بولیویا وچ ملدیاں نیں۔


وکھالہ[لکھو]

ایہ نکے توں مدرے ناپ دے باندر نیں جنہاں وچ 23 سینٹی میٹر دے نکے ٹیٹی توں لے کے 44-49 سینٹی میٹر دے یواکاری آندے نیں۔ ایہناں دے پنڈے تے مدرے توں لمے ناپ دے کئی رنگاں وچ وال ہوندے نیں۔ مونہہ تے اچیچا اک دوجے توں وکھرے رنگاں وچ ڈبے بنے ہوندے نیں۔ ایہ دن وں جاگدے تے راتیں سوندے نیں تے رکھوسنے نیں۔ ایہ ٹراپیکی جنگلاں وچ چھمباں توں لے کے پربتاں دیاں ڈھلاناں تے وی ملدے نیں۔

ایہ پتے، بی تے فروٹ کھاجاندے نیں۔ مادھ 4 توں 6 مہینیاں مگروں ونڈ دے فرق نال اک نیانا جمدی اے۔ یواکاری تے داڑھی والے ساکی اک توں چوکھیاں ٹبریاں رکھدے نیں تے ایہ 8-30 دیاں ٹولیاں بنا کے ریندے نیں۔ ہر ٹولی وچ اک توں ودھ نر ہوندے نیں جنہاں اپنیاں جودھراہٹاں ہوندیاں نیں۔ ٹیٹی تے پتھسیا ساکی اک ٹبری ای رکھدے نیں تے نکی ٹولیاں بنا کے ریندے نیں۔

ساکی ٹبر
Callicebus moloch (sensu stricto) -Brazil-8.jpg Uakari male.jpg WhiteFacedSaki.jpg
ٹیٹی یواکاری ساکی

ونڈائی[لکھو]

ساکی ٹبر نوں دو نکے ٹبراں، 5 ٹوکریاں تے 43 ونڈاں وچ ونڈیا ہویا اے۔

بارلے جوڑ[لکھو]

اتہ پتہ[لکھو]