سخوئی سو-30

سخوئی سو-30
کم	ہر فن مولا لڑاکا جہاز
بنان آلا دیس	سوویت یونین
بنان آلی کمپنی	سخوئی
پہلی اڈاری	31 دسمبر 1989
فوج وچ بھرتی	1996
ورتن آلے دیس	روس بھارت چین تے 6 اور دیس
گنتی	420+

سخوئی سو-30 دو انجناں آلا تے دو سیٹاں آلا بوت پھرتیلا لڑاکا جہاز اے۔ اے ہر موسم وچ دن رات ہوائی لڑائی یا دشمن دی تھاں چ اگے جاکر بمباری کر سکدا اے۔ اے سو-27 ٹبر دا جعاز اے۔ سو-30 اپنے آپ وچ وی اک وڈا ٹبر اے: بھارت لئی سو-30MKI، چین لئی سو-30MKK تے ‏MK2، انج ای ہور دیساں واسطے وی تھوڑا وکھرے سسٹماں آلا جعاز اے۔

چین دے سو-30 دے علاوہ تقریبا سارے سو-30 وچ دو نکے پر وڈے پراں دے اگے لگے ہوندے نیں جیناں نوں canard کیندے نیں اس توں جہاز بھاری تے بوتا طاقتور ریڈار چک سکدا اے۔ بھارت دے جعاز وچ اسرائیل دے الیکٹرانکس وی لگے ہوۓ نیں تے انجناں دا زور موڑن آلا سسٹم وی جیدے توں اونھاں دا ورژن بوت زيادہ پھرتیلا اے۔ روس دی ہوائی فوج نیں بھارت دے سو-30MKI نوں کافی پسند کیتا تے اسرائیل دی تھاں اپنے سسٹم لا کے سو-30SM اپنے لئی بنایا جیڑے اوہ 60 لین گے۔