سری چند

سری چند
جم	8 ستمبر 1494   سلطان پور لودھی ،  سلطنت دہلی
تاریخ وفات	13 جنوری 1629 (135 سال)
والد	گرو نانک
والدہ	ماتا سلکھنی
بہن/بھائی	لکھمی چند

بابا سری چند (8 ستمبر 1494 – 13 جنوری 1629) اک مہان تپسوی اتے سکھ دھرم دے بانی سری گرو نانک دیو جی دے سپتر سن۔ اوہناں نے اداسی مت چلایا۔

مڈھلا جیون

آپ دا جم سری گرو نانک دیو جی دے گھر ماں سلکھنی دی ککھوں سلطان پور لودھی وکھے 8 ستمبر 1494 نوں ہویا۔

گرو صاحبان نال ملاقاتاں

سری چند جی نے دیہہ وچ رہندیاں کئیاں ہی کراماتاں دکھائیاں۔ جدوں سری گرو نانک دیو جی چولا چھڈّ گئے تاں اوہناں دے سپتر لکھمی چند نوں پتہ لگن تے اوہ وی اپنے پروار سمیت گھوڑے اتے سوار ہو کے پرلوک نوں اڈّ پئے۔ جدوں اس بابت بابا سری چند نوں پتہ لگیا تاں اوہناں 14 جوجن اپنی بانہہ نوں لمیاں کر کے بھائی لکھمی چند توں اس دا سپتر لیا سی۔ بابا سری چند جی ضلع گرداس پور دے قصبہ ڈیرا بابا نانک وچ کھیتی باڑی کریا کردے سن۔ ڈیرہ بابا نانک توں ہی بابا سری چند جی بعد وچ پنڈ بارٹھ، پٹھانکوٹ گئے، بارٹھ صاحب وکھے بابا سری چند جی نے لماں سماں تپسیا کیتی۔ جتھے پنجویں گرو سری گرو ارجن دیو جی بابا سری چند جی نوں ملن لئی آئے سن۔ گرو ہرگوبند وی اوہناں نوں ملن لئی اتھے آئے سن۔ گرو ہرگوبند صاحب جی نے اداسی مت نوں اگے چلاؤن لئی اپنے سپتر بابا گردتا نوں بابا سری چند جی نوں سونپ دتا سی۔ آپ 13 جنوری 1629 نوں جوتی جوت سمائے۔

حوالے