سواں رہتل
سواں رہتل پنجاب دی اک پراݨی رہتل اے۔ ایہ پتھر دے ویلے دی رہتل اے ۔ سواں رہتل تقریبن 4 لکھ ورھے پراݨی اے۔ ایہدا پتا اوہناں پتھراں دے اوزاراں توں چلیا اے جیہڑے دریائے سواں دے کنڈھیاں توں لبھے نیں۔ ایہ اوزار دسدے نیں کہ سواں رہتل دے لوک ایہناں ناݪ کوہاڑی، گوشت کٹݨ آݪے چھرے تے کھل کُھرچݨ دا کم کردے سن۔ پتھر ویلے دے ایہ نشان اس علاقے توں علاوا ہور کِتوں نئیں لبھے۔ راولپنڈی دے نیڑے اڈیالا تے چونترا کوݪوں ایہ پتھر دے اوزار لبھے نیں۔
ایتھوں ای ہرن، گینڈے، مگرمچھ تے زرافے دیاں اک کروڑ چالی لکھ سال پراݨیاں ہڈیاں وی لبھیاں نیں جیہناں وِچوں کچھ نیچرل ہسٹری میوزیئم اسلام آباد وچ رکھیاں گئیاں نیں۔