سٹوپا

سٹوپا لفظ دا مطلب اے اچا تھاں۔ سٹوپا بدھ ویلے دی قبر نوں کہندے سن اے قبر پہلاں گول ہُندی سی۔ سٹوپے وچ لاش دی سواہ دبی جاندی سی۔ مہاتما بدھ دی لاش نوں جدوں ساڑیا گیا تے اوہدی سواہ نوں ہندستان دے اٹھ وکھریاں سٹوپیاں چ رکھیا گیا۔ اس نال سٹوپیاں دی وی گل بن گئی پہلے تے سارے سٹوپے سادے ہُندے سن پر فیر چار چفیرے گول چبوترا بنایا گیا سٹوپے نوں نہ ای سجدا کیتا جاندا اے نہ ای ایہدے اگے ہتھ جوڑے جاندے نیں پر چکر کٹے جاندے نیں تے سٹوپے دے چار چفیرے بدھ مورتیاں بنیاں ہُندیاں نیں جیہدے وچ ماہاتما بدھ دے جیون دی کہاݨی دسی گئی ہُندی اے تے سٹوپے دے دوالے چکر کٹدیاں ہویاں ایہناں مورتیاں نوں دیکھدے ہوئے مہاتما دا جیون اگے آجاندا اے۔ ویلے نال سٹوپے دے اگے پچھے جنگلا لا دتا گیا۔ پنجاب دی اک پرانی رہتل ٹیکسلا دے سٹوپے جگ پدھر تے بہت مشہور نیں۔ ایہہ بدھ مت دا تریخی علاقا اے ۔