سہارن

وکیپیڈیا توں
Jump to navigation Jump to search

سہارن – اس بنس دا موڈھی بھٹی راؤ سی۔ بھٹی راؤ دے دو پتر، مسور راؤ تے منگل راؤ سن۔ مسور راؤ دے وی اگوں دو ہی پتر ابھے راؤ تے سارن راؤ سن۔ سارن راؤ دی اپنے بھرا نال ان بن ہو گئی۔ اوہ تے اسدے پتر کسے ہور تھانہ جاکے کھیتی کرن لگ پئے۔ اس طرحاں جٹ بھائیچارے وچ رلمل گئے۔

سارن راؤ دی بنس دے جٹاں نوں سہارن وی کیہا جاندا ہے۔ کسے سمیں سہارن، گودارا، پونیا، ماہل، سیاگ تے بیہنیوال جٹاں دا بھٹنیر علاقے وچ بول بالا سی۔ بھٹی لوک سارے بھٹنیر وچ پھیلے ہوئے سن۔ گھگر نوں پار کرکے گھگر تے ستلج دے وچکارلے علاقے وچ وی پہنچ گئے سن۔ پنجاب دے پرانے وسنیکاں نال بھٹیاں دیاں کئی وار لڑائیاں وی ہو جاندیاں سن۔ سہارن جٹّ، پنجاب وچ پہلاں گھگر ندی پار کرکے بٹھنڈے دے کھیتر پکا پتھرالا وچ ہی آباد ہوئے۔ ایہہ سراواں نوں وی اپنا بھائی چارا سمجھدے ہن۔

پنجاب وچ سہارناں دی گنتی سراواں توں کافی گھٹّ ہے۔ بٹھنڈے ضلعے وچ سہارنا دے 10 پنڈ ہن۔ پنجاب وچ بہتے سہارنا دا پچھوکڑ پکّ پتھرالا ہی ہے۔ ایہہ بہتے مالوے وچ ہی ہن۔ پنجاب دے سہارن جٹّ سارے ہی جٹّ سکھ ہن۔ اتر پردیس، ہریانے تے راجستان وچ وی سہارن گوت دے جٹّ کافی ہن۔ ایہہ بہتے ہندو جاٹ ہی ہن۔ کسے سمیں اتر پردیس دے سہارنپور دے کھیتر وچ وی ایہناں دا قبضہ سی۔ ہریانے تے راجستان دے سہارن ہندو جاٹ، پنجاب دے سہارن جٹّ سکھاں نوں اپنی برادری وچوں سمجھدے ہن تے اوہناں دیاں کڑیاں نوں اپنیاں دھیاں وانگ سمجھدے ہن۔ ہور جٹاں وانگ سہارن وی اکھڑھ ہندے ہن پر کسان بہت ودھیا ہندے ہن۔ کسے سمیں بھٹنیر کھیتر وچ سہارنا دا 300 پنڈاں تے قبضہ سی۔ ہن وی سردار سحر کھیتر وچ سہارنا دے 90 پنڈ ہن۔ ہسار ضلعے وچ 25 پنڈ سہارنا دے ہی ہن۔ اتر پردیش دے مزپھر نگر کھیتر وچ سارنا دے کجھ پنڈ ہن۔ ایہہ ہندو جاٹ ہن۔ کجھ سارن جٹّ جینی وی ہن۔ بہتے سہارن جٹّ کھاڑکو ہی ہن۔ سہارن اگھا تے وڈا گوت ہے۔

ہور ویکھو[لکھو]