صندل

ضندل
پچھان
دیس :	بوٹے
برادری :	پھلوالے بوٹے
ٹبر:	صندل ٹبر
سائینسی ناں:	Santalum album

صندل مدرے ناپ دا صندل ٹبر دا اک رکھ اے۔ ایہ اک خشبو والا بوٹا اے۔ پرانے ویلیاں توں ہندستان وچ ایدی مانتا اے۔

وکھالہ

صندل اک سدابہار رکھ اے۔ ایہ رکھ 4 توں 9 میٹر تک اچا ہوندا اے۔ صندل دا رکھ 100 سال تک وی جی سکدا اے۔ ایس بوٹے دیاں جڑاں دوجے بوٹیاں دی جڑاں نل ملدیاں نیں تے اوناں توں خوراک لیندیاں نیں۔ نکے رکھ دی چھل کالی تے پدری ہوندی ایے۔ پتے پتلے تے اک دوجے دے سامنے ہوندے نیں تے آنڈے ورگے یا نکی چھری ورگے ہوندے نیں۔ تن سال مگروں پھل لگدا اے تے 5 سال مگروں اگن آلے بی لگدے نیں جناں نوں پنچھی کھلاردے نیں۔

پسار

ایہ دکھنی ایشیاء دا رکھ اے پر ہن ایہنوں چین، برما، سری لنکا، انڈونیشیاء، ملائشیا، فلپائن تے اتری اسٹریلیا وچ وی لگایا جاریا اے۔ ایہ کجھ سکے تھاواں تے اگدا اے تے دوجے بوٹیاں توں جڑاں راہیں کھان پین لیندا اے۔

ایہ سممندری کنڈیاں دے سکے جنگلاں توں لے کے 700 مٹر دی اچائی تک ہوندا اے۔ ایہ ریتلی توں وٹیانوالی تک کئی ونڈ دی زمین وچ اگ سکدا اے۔ ایہ 0 توں لے کے 38 °C تک دی رت جھل جاندا اے تے سلانہ 500 توں 3000 ملیمیٹر تک مینہ.

ایس رکھ دی چوکھی کٹائی ہون باہجوں ایہناں بچایا جاریا اے۔ ہندستانی سرکار نے ایہدی لکڑ باہر لجان تے روک لا دتی اے۔

ورتن

صندل دا ورتن ہندستان وچ 2 ہزار وریاں توں اے۔ ایہدی لکڑ تے تیل مزہبی کماں وچ ورتے جاندے نیں۔ ایہدی لکڑ مندراں تے ہور تھاواں تے اسارن دے کم آندی اے۔