طفیل ہشیارپوری
 Tufail Hoshiarpuri | |
|---|---|
| جم | جولائی 17, 1914ء ہوشیارپور، پنجاب، برطانوی ہند |
| موت | جنوری 4, 1993ء لاہور، پنجاب، پاکستان |
| قلمی ناں | طفیل ہشیارپوری |
| کم کِتہ | شاعر، صحافی |
| بولی | اردو، پنجابی |
| نسل | پنجابی |
| شہریت |  پاکستانی |
| صنف | غزل، نغمہ نگاری، صحافت |
| وڈے کم | تجدید شکوہ رحمت یزداں شعلہ جام میرے محبوب وطن |
| وڈے اعزاز | صدارتی تمغا برائے حسن کارکردگی |
طفیل ہشیارپوری (جَم: 17 جولائی، 1914ء - وفات: 4 جنوری، 1993ء) پاکستان نال تعلق رکھݨ والے اردو تے پنجابی زبان دے ممتاز شاعر، فِلمی نغمہ نگار تے صحافی سن۔
حالات زندگی
[سودھو]طفیل ہشیارپوری 17 جولائی، 1914ء نوں ہشیارپور، برطانوی پنجاب وچ پیدا ہوئے۔[۱][۲] اوہناں نے ہشیارپور دے سکول توں بطور استاد ملازمت دی اِبتداء کیتی۔ تحریک پاکستان دے متحرّک کارکُن سن تے تحریک پاکستان دے اجتماعات وچ شاعری پڑھدے سن۔ اسے پاداش وچ سکول دی ملازمت توں کَڈھ دِتے گئے۔ اداکار آغا سلیم رضا نے اوہناں نوں فِلمی پروڈیوسراں نال متعارف کروایا۔ اوہناں نے 1946ء وچ فِلمی نغمہ نگاری دی اِبتداء کیتی۔ قیام پاکستان توں بَعد ہوشیارپور توں لاہور منتقل ہوگئے تے صحافت نوں ذریعہ روزگار بݨایا۔ لاہور توں روزنامہ محفل تے ہفت روزہ صاف گو کڈھیا۔ 1952ء وچ ریڈیو پاکستان وچ ملازمت اختیار کیتی۔ 1950ء دی دہائی وچ اوہناں نے فِلمی نغمہ نگاری دے حوالے نال مصرُوف ترِین وقت گزاریا۔ اوہناں نے جیہڑیاں فِلماں دے نغمے تحرِیر کیتے اوہناں وچ ریحانہ، چُپکے چُپکے، پرائے بس میں، گلنار، شمی، دُلا بھٹی، بے قرار، چَن ماہی، پتن، سرفروش، چنگیز خان، موسیقار، شہری بابو، روحی، وعدہ تے قِسمت شامل نیں۔[۳] اوہناں دے شعری مجموعیاں وچ 'رحمت یزداں' (نعتیہ کلام)، 'تجدید شکوہ'، 'شعلہ جام'، 'ساغر خورشید'، 'جام مہتاب' تے 'میرے محبوب وطن' شامل نیں۔ [۲]
لِکھتاں
[سودھو]- رحمت یزداں (نعتیہ کلام)
- تجدید شکوہ
- شعلہ جام
- ساغر خورشید
- جام مہتاب
- میرے محبوب وطن
نمونۂ کلام
[سودھو]غزل
| انجمن انجمن شناسائی | دل کا پھر بھی نصیب تنہائی | |
| خُشک آنکھوں سے عُمر بَھر روئے | ہو نہ جائے کِسی کی رسوائی | |
| جَب کبھی تُم کو بُھولنا چاہا | انتقامن تُمہاری یاد آئی | |
| جَب کِسی نے مزاجِ غم پوچھا | دل تڑپ اُٹھا، آنکھ بھر آئی | |
| جذبۂ دل کا اب خدا حافظ | حُسن مُحتاج، عشق سودائی |
اعزازات
[سودھو]طفیل ہشیارپوری نوں ادبی خِدمات دے اعتراف وچ حکومت پاکستان نے صدارتی تمغا برائے حسن کارکردگی عطاء کیتا۔
وفات
[سودھو]طفیل ہشیارپوری 4 جنوری، 1993ء نوں لاہور وچ وفات پاگئے۔ اوہ لاہور وچ ماڈل ٹاؤن دے قبرستان وچ سپردِ خاک ہوئے۔[۱][۲][۳]
حوالے
[سودھو]- ↑ ۱.۰ ۱.۱ طفیل ہشیارپوری، سوانح و تصانیف ویب، پاکستان
- ↑ ۲.۰ ۲.۱ ۲.۲ ص 716، پاکستان کرونیکل، عقیل عباس جعفری، ورثہ / فضلی سنز، کراچی، 2010ء
- ↑ ۳.۰ ۳.۱ طفیل ہوشیاپوری، پاکستان فلم میگزین،مظہر اقبال دا پاکستان ڈنمارک