لمبڑدار
(نمبردار) برصغیر پاک و ہند وچ اک نیم سرکاری عہدا اے ۔ نمبردار نوں تحصیل دا تحصیلدار یا اسسٹنٹ کمشنر نامزد کردا اے ۔ نمبردار نوں موضع یا پنڈ وچ متعین کیتا جاندا اے ۔نمبردار دا عہدا وراثتی ہُندا اے ۔ نمبردار نوں عام طور تے محکما مال ادھا کِلا سرکاری زمین کاشتکاری واسطے دیندا اے ۔ نمبردار دیاں ذمے داریاں وچ مالیے دی وصولی ، پنڈ دے انتظامی یا سرکاری معاملات وچ تحصیل انتظامیا دی معاونت، پنڈ وچ امن و امان برقرار رکھݨ لئی پولیس تے تھاݨے نال تعاون کرنا، سرکاری افسراں دی میزواݨی کرنا اے ۔ مرکب لفظ نمبردار انگریزی دے لفظ نمبر تے فارسی پچھیتر لفظ دار نال مل کے بݨیا ۔ نمبردار دا عہدا ہُݨ وی پاکستان دے بھارت دے مختلف علاقےآں وچ رائج اے۔