لوبی اِنگ

آزاد انسائیکلوپیڈیا، وکیپیڈیا توں
Jump to navigation Jump to search
امریکا وچ لوبی اِنگ بارے 1891 دا اک کارٹون

لوبی اِنگ (ترغیب کاری) ، (انگریزی : Lobbying) اک اصطلاح اے ۔ ایہدا ماخذ لفظ انگریزی تے ہور زباناں وچ مستعمل لفظ لوبی (Lobby) اے ۔ لوبی دے معنی برآمد اے ۔ یعݨی اوہ سائبان جیہدے ول ملحق کمرےآں دے دروازے کھلدے ہوݨ ۔ موجودہ زمانے وچ ایہ لفظ اک سیاسی اصطلاح بݨ گیا اے ۔ جیہدا مفہوم اے : پالیسی تبدیل کروݨ لئی حکومت اُتے اثر انداز ہوݨا ۔ چوںکہ ابتدائی زمانےآں وچ اسمبلی دے مِمبران نال ملاقات کرن لئی اسمبلی دے برآمدے استعمال ہُندے سی ۔ اس لئی لوبی دا لفظ ہولی ہولی اس مفہوم لئی سیاسی اصطلاح بݨ گیا ۔ لوبی دی سیاست دا آغاز انگلینڈ وچ ہویا سی ۔ اس توں بعد ایہ امریکا وچ پہنچیاا۔ امریکا وچ ہر چیز صنعت بݨ جاندی اے ۔ایہ وی اک صنعت بݨ گیا ۔ امریکا وچ باقاعدہ رجسٹرڈ کمپنیاں نیں جیہڑیاں حکامتوں کولوں فیس لے کے ایہ کَم کردیاں نیں ۔ لوبی دی ضرورت چھوٹے ملکاں نوں وی ہُندی اے تے وڈے مُلکاں نوں وی ۔ مثلن بنگلا دیش اک چھوٹا ملک اے پَر امریکا وچ اوہدے واسطے لوبی اِنگ کرن آلیاں دو کمپنیاں موجود نیں ۔ ایہناں کمپنیاں دا خاص مقصد بنگلا دیش دی چاء لئی امریکا وچ اپݨی مارکیٹ قائم رکھݨا اے ۔ جپان اپݨی برآمدی مصنوعات دا 37 فیصد حِصا امریکا پعھیجدا اے ۔ جنوبی کوریا 40 فیصد تے تائیوان 50 فیصد ۔ جے امریکا دی قانون ساز اسمبلی ایہ قنون منظور کر دوے کہ غیر ملکی مصنوعات امریکا وچ داخل نئیں ہوݨ گیاں تے ایہناں مُلکاں دی اقتصادیات بہت متاثر ہوݨ گیاں ۔ اس لئی ایہ ممالک اس معاملے وچ بہت حساس رہندے نیں ۔ ایہناں مُلکاں دے نمائندے امریکا دے حکومتی حلقےآں وچ کُعھم پھر کے پتا کردے نیں کہ امریکی حکمران اپݨیاں درآمدی پالیسیاں وچ کِسے تبدیلی بارے تاں نئیں سوچ رہے تے جے ایہناں نوں اس قِسم دا کوئی اشارا مِلدا اے تاں اوہ فورن لوبی اِنگ دا عمل شروع کر دیندے نیں ۔