لیزگی لوک

آزاد انسائیکلوپیڈیا، وکیپیڈیا توں
لیزگی لوک
کل آبادی
8 لکھ (اندازا)
آبادی دے علاقے
روس 4،11،500
آذربائیجان 1،78،000 (آذری حکومت موجب)
3،64،000 (لیزگی سیاسی تنظیماں موجب)
بولیاں
روسی ، آذری تے لیزگی بولیاں
مذہب
اسلام (سنی) تے شیعہ اقلیت
لیزگی لوکاں دی اک تریخی مورت

لیزگی لوک روس دے لوک راج داغستان دے تھلویں تے آذربائیجان دے اتلے علاقے چ وسن آلا اک نسلی گروہ اے تے ایہہ لیزگی بولی بولدے نیں ۔

تریخ[سودھو]

پرانے یونانی تریخ داناں ، جنہاں چ ہیروڈوٹس ، سٹرابو تے پلینی وغیرہ وی شامل نیں ، نے لیگوئی لوکاں دا ذکر کیتا اے ، جہڑے قفقازی البانیا دے واسی سن ۔ 9ویں تے 10ویں صدی عیسوی دے عرب تریخ داناں نے اج دے داغستان تھلویں علاقے چ لاکز بادشاہت دا ذکر کیتا اے ۔ المسعودی نے اس علاقے دے باشندےآں نوں لاکزام (لیزگن) آکھیا ، جہڑے شیروان شاہ بادشاہت دا اتلے توں آن آلے حملہ آوراں توں دفاع کردے سن ۔

نویں ویلے چ[سودھو]

انقلاب روس توں پہلاں لیزگی دی اصطلاع اج دے روس دی ریاست داغستان چ وسن آلے سارے نسلی گروہاں لئی ورتی جاندی سی ۔

اج لیزگی لوکاں دی اکثریت سنی مسلمان اے تے داغستان دے اک پنڈ مسکندجا دے لیزگی لوک شیعہ مسلمان نی‍ں ۔

لیزگی لوکاں دی اکثریت آذربائیجان تے روس دی ریاست داغستان چ وسدی اے ۔ اینہاں دی کل آبادی دا اندازا 7 لکھ دے نیڑے اے ، جنہاں چوں 4،12،000 روس تے 1،78،000 (آذری حکومت موجب) آذربائیجان رہندی اے ۔ پر لیزگی تنظیماں آذربائیجان چ اپنی آبادی 6 لکھ توں 9 لکھ دے وچکار دسدیاں نیں ۔

کجھ لیزگی لوک وسطی ایشیا چ وی وسدے نیں ۔

باہرلے جوڑ[سودھو]