انقلاب روس

Wikipedia توں
جاو: مدد, کھوج

انقلاب فرانس نے یورپ دے نظام نوں ہمیشہ لئی درہم برھم تے پراگندہ کردتا سی پر اس دے بعد جہڑا صنعتی القلاب آئیا ، اس نے جتھے ہالینڈ ، فرانس ، انگلستان نوں یورپ دے سب توں متمدن تے ترقی یافتہ ملک بنا دتا اوتھے ای روس ورگے ملکاں نوں ، جنہاں دی معیشت ہلے تک وی زرعی سی ، نوں بہت پچھے کردتا ۔


کارل مارکس تے فیڈریک اینگلس نے 1847ء چ اشتراکی منشور شائع کیتا ، اوداں تے ایہہ منشور صنعتی لحاظ نال ترقی یافتہ ملکاں دے لوکاں نوں اوہناں کارخانے داراں دے خلاف بغاوت تے آمادہ کردا سی ، جہڑے کارخانیاں چ مزدوراں کولوں کم لین لئی اوہناں تے ظلم کردے سن تے اذیتاں دیندے سن ،پر اس فلسفے نے روس جہے صنعتی لحاظ نال پسماندہ تے زرعی تے جاگیردارانہ نظام دے حامل ملک چ لینن نوں بہت متاثر کیتا تے اس نے کیمونسٹ اصولاں دی علم بردار سیاسی تحریک دی بنیاد رکھی ۔

جس زمانے چ جرمنی ، فرانس تے انگلستان وعیرہ چ اشتراکی افکار دا دور دورہ سی ، اس وقت کارل مارکس نے کہیا سی کہ سرمایہ داری نظام دے خلاف انقلاب روس چ آئے گا ۔ اسدے ایہہ الفاظ حیرت انگیز طور تے درست ثابت ہوئے تے روس جتھے 1917ء دیاں فوجی شکستاں تے جرمنی دی حمایت چ راسپوتین تے دوجے افراد دیاں کوششاں نے ملک چ بے اطمینانی پیدا کردتی سی ۔ ملک چ افراتفری پیدا ہوئی جہڑی بالاخر 13 مارچ 1917ء چ زار روس دی حکومت دے خاتمے مکی ۔ زار روس دے زوال توں بعد لینن روس پہنچ گئیا تے اس حکومت دی نیہہ رکھی جہڑی جگ دی سب توں پہلی اشتراکی جمہوریہکہلائی۔