مون سون

مون سون ہواواں، بادلاں اتے بارشاں دا نظام اے۔ اے موسم گرما وچ جنوبی ایشیا، جنوب مشرقی ایشیا اتے مشرقی ایشیا وچ بارشاں دا سبب بندا اے۔ اپریل اَتے مئی دے مہینیاں وچ افریقا دے مشرقی ساحلوں دے کول خط استوا دے آس پاس بحر ہند دے اُتے گرمی دی وجہ توں بخارات بنن دا عمل ہوندا اے نالے ایہہ بخارات بادلاں دی شکل اختیار کر لیندے نیں اتے مشرق وَل مونہ موڑدے نيں۔ جون دے پہلے ہفتے وچ اوہ سری لنکا تے جنوبی بھارت پہنچدے نیں اتے فیر مشرق وَل نِکل جاندے نیں۔ اوہناں دا کجھ حِصہ بھارت دے اُتے برسدا ہویا سلسلہ کوہ ہمالیا نال آ ٹکراؤندا اے۔ بدلاں دا کجھ حِصا شمال مغرب ول پاکستان دا رخ کردا اے اتے 15 جولائی نوں مون سون دے بدݪ لہور اپڑدے نيں۔ 15 جولائی نوں پاکستان وچ سوݨ دی پہلی تریخ ہُندی اے۔

مون سون عربی دا لفظ اے۔ ایہہ لفظ 'موسم' دی وگڑی شکل اے۔