محمود درویش

محمود درویش
فلسطینی قومی شاعر
جیون:	(13 مارچ 1941 – 9 اگست 2008)
جمن پو :	البروه‎ فلسطین
کم:	شاعر لکھاری
گن:	فلسطینی لکھاری

محمود درویش اک فلسطینی شاعر تے لکھاری سی تے اوہنوں فلسطین دا قومی شاعر منیا جاندا اے۔ اوہدی شاعری فلسطین دے دوالے گھمدی اے۔

محمود درویش اک فلسطینی پنڈ وچ 13 مارچ 1941 نوں جمیا۔ جون 1948 وج جدوں اسرائیلی فوجاں نے اوہدے پنڈ تے ہلہ بولیا تے اوہ تے اوہدا ٹبر لبنان نس گۓ۔ اوہدے پنڈ تے بلڈوزر پھیر دتا گیا۔ اک سال مگروں اوہدا ٹبر واپس آۓ تے حیفہ کول رہن لگ پۓ تے محمود وی سکول پڑھن لگ پیا۔ 19 سال عمر وچ اوہنے اپنی شاعری دی پہلی کتاب لکھی۔ 1970 وچ اوہ سوویت یونین پڑھن لئی گیا تے اک سال ماسکو یونیورسٹی پڑھیا۔ پرت کے اوہ مصر تے لبنان آیا تے پی ایل او نال رل گیا۔ 1995 وچ اوہ رملہ وس گیا۔ اوہنے دو ویاہ کیتے۔

9 اگست 2008 وچ اوہ ٹیکساس امریکہ وج دل دے اپریشن مگروں مریا۔