ملٹری پولیس

حصہ

عسکری شاخ

سب کلاس

پولیس ، فوج

انتظامی تقسیم

'ملٹری پولیس' (Military police) کِسے مُلک دی فوج نال مُنسلک قنون نافذ کرن آلا ادارا یا فوج دا حِصا ہُندی اے ۔ وکھ وکھ مُلکاں وچ ملٹری پولیس دیاں وکھ وکھ ذُما داریاں تے تعریفاں نیں ۔

فوج دا اک حِصا جیہڑا فوجی یا سِویلیئن اہلکاراں ولوں مجرمانا سرگرمیاں دے خلاف مسلح افواج (جیہنوں پرووسٹ کہیا جاندا اے) دیاں ذمے داریاں دے علاقےآں دی پولیسنگ دا ذما دار اے ۔
فوج دا اک حِصا جیہڑا مسلح افواج تے شہری آبادی، دوناں وچ پولیسنگ دا ذما دار اے ۔
فوج دا اک حِصا جیہڑا مسلح افواج تے شہری آبادی دی پولیسنگ لئی مکمل طور تے ذما دار اے ۔

بحری پولیس دے اہلکاراں نوں بعض اوقات "ماسٹر ایٹ آرمز" کہیا جاندا اے ۔ فضائی فوج دے قنون نافذ کرن والے اہلکاراں نوں عمومن "ایئر پولیس" ، "سیکیورٹی پولیس" یا "سیکیورٹی فورسز" کہیا جاندا اے ۔

پنجاب وچ مِلٹری پولیس مکمل طور تے سِولیئن صوبائی پولیس فورس دے طور تے قائم اے تے وزارت داخلا پنجاب دے ماتحت کم کر دی اے ۔ ایہ پنجاب دے صوبائی بارڈر دی راکھی تے جرائم پیشا افراد دی آمد و رفت نوں روکݨ اُتے مامور اے ۔

مِلٹری پولیس دی ظاہری وضع قطع عام طور پر ہیلمٹ ، آرم بینڈ ، براسارڈ ، یا موڈھے دے فلیش تے زیادہ روایتی بیجز نال نمایاں طور تے ظاہر ہُندی اے ۔

مِلٹری پولیس دُنیا دے کئی مُلکاں وچ قائم اے جیہناں وچ ارجنٹینا ، برازیل ، کینیڈا ، کولمبیا ، امریکا ، الجیریا ، بوٹسوانا ، مصر ، کینیا ، مراکش ، نائیجیریا ، کمبوڈیا ، بھارت ، انڈونیشیا ، ایران ، اسرائیل ، جاپان ، قازقستان ، منگولیا ، ملائیشیا ، پاکستان ، فلپائن ، روس ، سعودی عرب ، سری لنکا ، سنگا پور ، جنوبی کوریا ، تائیوان ، تھائی لینڈ ، ویتنام ، آرمینیا ، آسٹریا ، بیلارس ، بیلجیئم ، بوسنیا ، ہرزیگووینیا ، بلغارریا ، کروشیا ، چیک ، ڈنمارک ، اسٹونیا ، فن لینڈ ، فرانس ، جرمنی ، یونان ، ہنگری ، آئر لینڈ ، اٹلی ، نیدر لینڈز ، ناروے ، پولینڈ ، پرتگال ، رومانیا ، سربیا ، سپین ، سویڈن ، سوئٹزر لینڈ ، یوکرین ، برطانیا ، آسٹریلیا ، نیوزی لینڈ شامل نیں ۔

پاکستان وچ ملٹری پولیس

پاکستان د‏‏ی مسلح افواج دے قیام تو‏ں بعد پاکستان نے اپنی ملٹری پولیس نو‏‏ں برقرار رکھیا ا‏‏ے ۔ پاکستان آرمی نے سابق رائل انڈین ملٹری پولیس تو‏ں اپݨے اہلکاراں دا اپݨا حِصا وصول کیتا، جیہنے پاکستان آرمی وچ ملٹری پولیس "MP" تشکیل دِتی ۔ بعد وچ پاکستان نیوی نے "بحری پولیس" قائم کيتی جیہدا مرکز "PNS نگہبان" وچ قائم کيتا گیا ۔ اس توں بعد پاکستان ایئر فورس نے امن برقرار رکھن لئی PAF پولیس قائم کيتی ۔

پاکستان نیوی د‏‏ی نیول پولیس نو‏‏ں اوہدے اہلکاراں دیاں بانھواں اُتے لال پٹیاں تو‏ں پچھاݨا جا سکدا اے جیہدے حروف "NP" چِٹے رَنگ وچ لکھے گئے نيں ۔ ایہدا ہیڈ کوارٹر کراچی وچ پی این ایس قاسم وچ ا‏‏ے ۔

پاکستان آرمی د‏‏ی مِلٹری پولیس نو‏‏ں پاکستان آرمی کور آف ملٹری پولیس دے ناں نال جاݨیا جاندا ا‏‏ے ۔ ایہد‏‏ی شناخت اہلکاراں دیاں بانھواں دیاں لال پٹیاں ، چِٹے کراس بیلٹ تے چِٹے جنگی ہیلمٹ نال کيتی جا سکدی اے جیہدے حروف "MP" چِٹے رَنگ وچ لکھے گئے نيں ۔

پاکستان ایئر فورس نے اپنی ملٹری پولیس قائم کيتی اے جیہنو‏ں "پاکستان ایئر فورس پولیس" دے ناں نال جاݨیا جاندا اے جیہنو‏ں عام طور تے پرووسٹ کہیا جاندا ا‏‏ے ۔ PAF پولیس د‏‏ی شناخت ایہدے اہلکاراں دیاں لال بانھواں ، چِٹے کراس بیلٹ تے چِٹے جنگی ہیلمٹ نال کيتی جا سکدی اے جیہدے اُتے لال رَنگ وچ "PAF Police" لکھیا ہُندا ا‏‏ے ۔

ایم پی، این پی تے پی اے ایف پولیس شہریاں اُتے کوئی دائرہ اختیار استعمال نئيں کردے تے نہ ای سِول عدالتاں ملٹری پولیس دے کماں وچ مداخلت کر سکدیاں نيں ۔ کچھ معاملات وچ ملٹری پولیس کور ، سِویلیئن پولیس ایجنسیاں دے نال مُشترکا کارروائی کر دی اے جے عام شہری ملوث ہوݨ ۔

پنجاب بارڈر ملٹری پولیس

پنجاب وچ بارڈر ملٹری پولیس، برطانوی راج وچ 1890 وچ پنجاب دے مغربی سرحدی علاقے دی دیکھ بھال لئی بݨائی گئی سی ۔ ایہ مکمل طور تے سِولیئن پولیس فورس اے تے وزارت داخلا پنجاب دے ماتحت کم کر دی اے ۔ 1904 وچ پنجاب بارڈر ملٹری ایکٹ بݨایا گیا ۔ ایہدا سربراہ کمانڈنٹ ہُندا اے تے تھلے رسال دار ، جمع دار ، دفع دار تے سوار دے عہدے نیں ۔ پنجاب بارڈر ملٹری دے فرائض وچ سمگلنگ ، غیر قنونی سامان تے اسلحے دی نقل و حمل دی روک تھام ، جرائم پیشا افراد دی بین الصوبائی آمد و رفت دی روک تھام ، سرکوبی تے پنجاب دے صوبائی بارڈر دی حفاظت شامل اے ۔

تصویر گیلری