ملک امیر محمد خان
| ملک امیر محمد خان | |
|---|---|
 | |
| جم | سنہ 1910 |
| وفات | سنہ 1967 (56–57 سال) |
| شہریت |  پاکستان |
| عملی زندگی | |
| مادر علمی | ایچی سن کالج لہور |
| پیشہ | سیاست دان |
| مادری زبان | اردو |
| پیشہ ورانہ زبان | اردو |
ترمیم  | |
نواب آف کالا باغ ملک امیر محمد خان، 20 جون 1910 نوں کالا باغ وچ پیدا ہوئے۔ آکسفورڈ یونیورسٹی وچ تعلیم پائی۔ انہاں دا شمار ملک دے وڈے جاگیرداراں وچ ہُندا سی۔ انھاں نے زرعی پیدوار بڑھانے دے سلسلے وچ کاشت کاری دے جدید طریقیاں تے آکسفورڈ یونیورسٹی دی تعلیم توں فائدہ اٹھایا۔ 1958ء دے مارشل لا دے بعد جدوں ملک وچ زرعی اصلاحاں نافذ ہوئیاں تے انھاں نے کالا باغ دی زرعی جائداد وچوں بائیس ہزار ایکڑ توں زیادہ زمین زرعی کمیشن دے سپرد کر دتی۔ مارشل لا توں پہلے دی قومی اسمبلی تے صوبائی اسمبلی دے رکن سن۔ سابق حکومتاں ولوں دوبار عہدیاں دی پیش کش ہوئی۔ اک دفعہ مرکزی وزارت تے دوسری دفعہ صوبائی گورنری۔ لیکن انھاں نے قبول نہ کیتی۔ 9 دسمبر 1958ء نوں پی آئی ڈی سی دے صدر مقرر ہوئے۔ یکم جون 1960ء نوں صدر ایوب خان نے انھاں نوں مغربی پاکستان دا گورنر مقرر کیتا۔ ستمبر 1966ء وچ مستعفی ہوئے۔ایہ پنجاب وچ صدر ایوب دی اصل طاقت سن۔ وڈے جاگیردار تے ڈکٹیٹرانہ مزاج رکھدے سن۔ 26 نومبر 1967ء نوں انہاں دا اپنے چھوٹے تیسرے بیٹے اسد اللہ خان نال جائداد اُتے جھگڑا ہویا۔ نوبت ایتھے تک پہنچی کہ انہاں نے اپنے بیٹے اُتے فائر کیتا، جس دے جواب وچ بیٹے نے 5 گولیاں مار کر انہاں نوں قتل کر دتا۔