مہاں سنگھ سُکرچکیا

وکیپیڈیا توں
(لیایا گیا مہاں سنگھ)
Jump to navigation Jump to search

مہاں سنگھ سُکرچکیا (م۔ 1790ء): سردار چڑھت سنگھ سکرچکیا دا پتر اتے مہاراجہ رنجیت سنگھ دا پیؤ سی ، جو پیؤ دی اچانک موت کارن بچپن وچ ہی اپنی مثل دا سردار بنیا۔ اس دے بالغ ہون تک اس دی ماں مائی دیساں نے مثل دی واگ-ڈور سمبھالی۔ اپنے بھراواں دی مدد نال اس نے اپنے علاقے نوں محفوظ رکھیا۔ مہاں سنگھ نے جوان ہون تے مثل دا اختیار سمبھالیا اتے نورالدین بامیزئی توں روہتاس اتے چٹھے سردار نور محمد توں رسولگڑھ نگر واپس لئے۔ جدوں ایہہ رسولگڑھ جت کے پرط رہا سی ، تاں اس نوں 13 نومبر 1780ء نوں پتر دے جم دی خبر ملی ۔ اس نے اس دا ناں ‘رنجیت سنگھ’ رکھیا۔ اس نے پنڈی بھٹیاں، ساہیوال، عیسی خیل، جھنگ نگراں نوں اپنے ماتحت کیتا اتے جموں اتے حملہ کرکے شہر نوں خوب لٹیا۔ اس نے سردار جسا سنگھ رامگڑھیا نال مل کے کنھیا مثل دے سردار جے سنگھ نال بٹالے نیڑے لڑائی کیتی جس وچ جے سنگھ دا اکلوتا پتر سردار گربخش سنگھ ماریا گیا اتے کنھیا مثل دی ہار ہوئی۔ پھر اس نے صاحب سنگھ بھنگی نوں سدھورا قلعے وچ گھیر لیا۔ لمبے گھیرے دوران ایہہ بیمار ہو گیا اتے اپریل 1790ء نوں چلانا کر گیا۔ اس توں بعد رنجیت سنگھ سکرچکیا مثل دا سردار بنیا۔

ہور ویکھو[لکھو]

حوالے[لکھو]

باہرلے جوڑ[لکھو]