مہندر ساتھی

مہندر ساتھی
جم
وفات
عملی زندگی
پیشہ	شاعر
پیشہ ورانہ زبان	پنجابی
باب ادب

مہیندر ساتھی 'مشالاں بال کے چلنا، جدوں تک رات باقی اے، سمبھل کے ہر قدم رکھنا، جدوں تک رات باقی اے' مشہور شعر؎ دا رچیتا پنجابی غزلکار سی۔

مہیندر ساتھی دا جم موگے ضلعے دے پنڈ کالیکے دے اک کرتی پروار وچ ہویا سی۔ روزگار دی طلب وچ اوہ قصبہ موگا وچ آ ٹکیا اتے فیکٹریاں وچ محنت مزدوری کردا رہا۔

غزل مجموعہ

• جلاوطن رتّ پرتیگی
• جدوں تک رات باقی ہے
• پتجھڑ

نمونہ غزل

مشالاں بال کے چلنا، جدوں تک رات باقی ہے۔
سمبھل کے ہر قدم رکھنا، جدوں تک رات باقی ہے۔

ملو منصور نوں سولی، تے وش سقراط دے حصے
رہے گا جرم سچ کہنا، جدوں تک رات باقی ہے۔

پسینے دی تاں گلّ چھڈو، لہو مزدور دا یارو
ایہہ سستا پانیوں رہنا، جدوں تک رات باقی ہے۔

بنیگا عشقَ میرا اودوں تک بارود دا کھاجا
تے تیرے حسن نے وکنا، جدوں تک رات باقی ہے۔

رگڑ متھا توں مندر وچ، جاں مسجد وچ توں کر سجدے
تیرے دکھاں نہیں مٹنا، جدوں تک رات باقی ہے۔

حقیقت تاں ہے کہ مرزے گئے مارے نے بنھ بنھ کے
تے خبریں 'ٹاکرا ' چھپنا، جدوں تک رات باقی ہے۔

ہنیرے دی عدالت وچ، ہے کی فریاد دا فائدہ
توں کر سنگرام اے سجنا، جدوں تک رات باقی ہے۔

میرا متھا رہو بھتھا ایہہ بنیاں روہ دے تیراں دا
نہیں اس تیوڑی نے مٹنا، جدوں تک رات باقی ہے

لڑنگے نال تیرے اے ہنیرے ! انت تک 'ساتھی '
اناں نئیں چین سنگ بہنا، جدوں تک رات باقی ہے۔