میسور دا دسہرا

آزاد انسائیکلوپیڈیا، وکیپیڈیا توں

دال روٹی گھر دی دیوالی امبرسر دی، تاں سارے بھارت وچ مشہور ہے ہی پر کرناٹک صوبے دے اہم شہر میسورو 'چ دسہرے دا تیوہار اک ولکھن روایت نال منایا جاندا ہے۔ ایہہ تیوہار 10 دن تک چلدا ہے۔ ہر دن نویکلے درش ویکھن نوں ملدے ہن۔ ہر دن دے پروگرام پہلاں ہی طے کیتے ہندے ہن اتے سرکاری ویبّ سائیٹ، وٹس ایپ اتے فیسبک راہیں کرناٹکا ٹورزم ولوں سیلانیاں تکّ پہنچا دتے جاندے ہن۔ اک دن پتنگ اڈاؤن دا دن ہندا ہے۔ کئی طرحاں دیاں آکرتیاں دے تے رنگ-برنگے پتنگ اک وڈے گراؤنڈ وچ اڈائے جاندے ہن۔ اک دن کشتیاں کروائیاں جاندیاں ہن۔ پورے بھارت توں نامی پہلوان اتھے پجدے ہن۔ کلاسیکل سنگیت تے بالیوڈّ سنگیت دے پروگرام وی ہندے ہن۔ اک وشال نمائش لگائی جاندی ہے۔ اس وچ کھان-پین توں لے کے ہر قسم دا الیکٹرانکس وغیرہ دا سامان ہندا ہے۔ ایہہ نمائش میسور پیلس دے ساہمنے والے گیٹ دے باہر بنے میدان وچ لگائی جاندی ہے۔

دسہرے دے اخیرلے دن چمنڈویشری ماتا دی شوبھا یاترا اک بہت ہی ولکھن طریقے نال کڈھی جاندی ہے۔ پورے شہر نوں دلہن وانگ سجایا جاندا ہے۔ 26 جنوری دی پریڈ وانگ طرحاں-طرحاں دیاں جھاکیاں اتے سبھیاچاری ناچ پروگراماں راہیں سیلانیاں دا منورنجن کیتا جاندا ہے۔ ایہہ شوبھا یاترا محل توں شروع ہو کے تنّ چار کلومیٹر دا فاصلہ طے کرکے بینیمنٹپ ناں دے گراؤنڈ 'تے جا کے رکدی ہے۔ سارے رستے لوک سڑکاں دوآلے دریاں وچھا کے تے ٹرکاں وغیرہ 'تے بیٹھ جاندے ہن اتے اپنے ساہمنے توں لنگھ رہیاں جھاکیاں دا انند ماندے ہن۔ پولیس دے وی بہت پختہ انتظام ہندے ہن۔ ہریک جھاکی دے پچھے اس جھاکی نال متعلقہ صوبے جاں قبیلے دے لوکاں دا اپنا ناچ پروگرام ہو رہا ہندا ہے جو کہ سیلانیاں موہرے پورے بھارت دی تصویر پیش کر دندا ہے۔ وکھ-وکھ قبیلیاں ولوں پہنے جان والے پہراوے سمیت اس قبیلے دآرا ورتے جان والے ساز اک انندمئی نظارہ پیش کردے ہن۔ شوبھا یاترا وچ سجائے ہاتھی، گھوڑے آدی وی پورے چاء نال سجائے جاندے ہن۔ انت وچ جمبو سوارینکئی سجے ہوئے ہاتھیاں نال لنگھدی ہے۔ ایہہ چمنڈویشری ماتا دی سواری ہے۔ اس دی پالکی لگبھگ 750 کلو سونے دی بنی ہوئی ہے۔ ایہہ بدی 'تے نیکی دی جت دا پرتیک ہے۔ متھ ہے کہ چمنڈویشری ماتا نے دینت مہساسر نوں مار مکایا سی اتے جنتا نوں اس دینت دے آتنک توں مکتی دوائی سی۔ اس دینت دے نام 'تے اس شہر دا ناں میسور پیا سی۔ بینیمنٹپ دے ستھان 'تے جنڈ دا درخت ہے جس نوں تامل 'چ بینی اتے سنسکرت 'چ شامی کہندے ہن۔ کیہا جاندا ہے کہ پانڈواں نے اپنے اک سال دے اگیاتواس دوران اپنے ہتھیار لکاؤن لئی بینی درخت دی ورتوں کیتی سی۔ ایہہ وی متھ ہے کہ جنگ 'تے جان توں پہلاں راجے اس درخت دی پوجا اپنی جت پراپتی لئی کردے سن۔ اس گراؤنڈ 'چ ہی رات نوں ٹارچ لائیٹ پریڈ ہندی ہے۔ اس لائیٹ شوٕ وچ رات نوں ایئرفورس دے جانبازاں ولوں موٹرسائیکلاں 'تے کئی طرحاں دے کرتب وکھائی جاندے ہن۔ ایہہ پروگرام وی دو-ڈھائی گھنٹے دا ہندا ہے جو کہ ادھی رات تکّ چلدا ہے۔

ایہناں دناں وچ ہی میسور پیلیس نوں رات نوں ویکھن دا اپنا انند ہندا ہے۔ پورا پیلس لائیٹاں نال سندر تے دلکھچویں طریقے نال سجایا ہندا ہے۔ ویسے اس پیلیس نوں اندروں ویکھن دی اجازت دن ویلے ہی ہے۔ پیلیس دے اندر جتیاں لاہ کے جانا پیندا ہے اتے اپنا کیمرہ وی باہر ہی چھڈنا پیندا ہے۔ مہاراجہ کرشنا راجا واڈیار نے برطانوی آرکیٹیکٹ لارڈ ہینری ارون نوں 1897 وچ اگّ نال تباہ ہو گئے پرانے راج محل دی جگہ نواں محل بناؤن لئی آرکیٹیکٹ تعینات کیتا سی۔ 15 سال بعد 1912 وچ ایہہ محل بن کے تیار ہو گیا۔ 1976 وچ راجیش کھنہ اتے ہیما مالنی دی فلم 'محبوبہ' دا گانا 'میرے نینا' دی شوٹنگ وی اسے پیلیس وچ ہوئی سی۔ اس دے اندر بنے پلر بہت دلکش ہن۔ پیلیس دے برانڈے وچ بریک جال لگا کے پنچھیاں توں اس دی سرکھیا کیتی گئی ہے۔ پیلیس دے تنّ مین گیٹ ہن اتے اس وچ کئی مندر وی بنے ہوئے ہن۔