میٹروپولیٹن کارپوریشن

آزاد انسائیکلوپیڈیا، وکیپیڈیا توں

میٹرو پولیٹن کارپوریشن (Metropolitan Corporation) لوکل گورنمنٹ دی اک میونسپل اتھارٹی اے۔ میٹروپولیٹن کارپوریشن زیادا آبادی واݪے بڑے شہراں واسطے قائم کیتی جاندی اے۔ پاکستان وچ مقامی حکومتاں دے تحت ایہ کارپوریشناں قائم کیتیاں گئیاں نیں۔ پنجاب دے مقامی حکومت دے ایکٹ دے مطابق میٹروپولیٹن کارپوریشن اک کارپوریٹ ادارے دے طور تے قائم اے جیہدے کوݪ دائمی جانشینی، اک مہر تے کِسے وی معاہدے نوں خریدݨ، رکھݨ تے اوہدے وچ مشغول ہوݨ دے ناݪ ناݪ قانونی کارروائیاں لیاؤݨ تے وصول کرن دا اختیار اے۔

میٹروپولیٹن کارپوریشن دا سربراہ میئر ہُندا اے۔

افعال[سودھو]

  • مقامی منصوبےآں، ماسٹر پلانز، زوننگ، زمین دے استعمال دے منصوبےآں دی منظوری، بشمول زمین دی درجا بندی تے دوبارا درجا بندی، ماحولیاتی کنٹرول، شہری ڈیزائن، شہری تجدید، تے ماحولیاتی توازن تے نقشیاں دی منظوری۔
  • عوامی افادیئت، بنیادی ٹعھانچے، سڑکاں، بازاراں، زوننگ، زمین دا استعمال، ہاؤسِنگ تے ماحولیات نوں کنٹرول کرن واݪے قوانین تے ضمنی قوانین نافذ کرنا۔
  • ماس ٹرانزٹ تے پبلک ٹرانسپورٹ دے ناݪ ناݪ انٹر ٹاؤن روٹس، ایکسپریس ویز، پُݪاں تے انڈر پاسز دی تعمیر دے منصوبےآں نوں منظور کرنا۔
  • ثقافتی تے تریخی وسائل نوں محفوظ رکھݨا۔
  • شہر دی لینڈ سکیپنگ، مانومنٹس تے امبیلشمنٹ اُتے کم کرنا۔
  • فیس تے ٹیکس دا نفاذ کرنا۔
  • تجاوزات دا خاتما کرنا، سالڈ ویسٹ مینجمنٹ، سیوریج تے سٹریٹ لائٹس دی سہولیات فراہم کرنا۔
  • مارکیٹاں تے خدمات نوں منظم کرنا، لائسنس تے اجازتاں دیݨا تے جد مناسب ہووے، خلاف ورزیاں اُتے جرمانے کرنا۔
  • ٹریفک سِگنلز، ٹریفک سائِنز، سڑک دے نشانات، پارکنگ دیاں جگہاں مختص کرنا۔


میئر[سودھو]

میٹروپولیٹن کارپوریشن دا اک مُنتخب میئر ہُندا اے جیہنوں میٹروپولیٹن ایریا دے ووٹر براہ راست مُنتخب کردے نیں، پینل دے ذریعے میئر دے ناݪ ڈپٹی میئرز دا انتخاب وی ہُندا اے۔

افسران[سودھو]

میٹروپولیٹن کارپوریشن دا اک وڈا سرکاری افسر چیف میٹروپولیٹن آفیسر تعینات کیتا جاندا اے تے اوہدی معاونت واسطے اوہدے ماتحت کئی افسران تے ملازمین ہُندے نیں۔ جیہڑے اپݨے اپݨے شعبیاں دے امور چلاؤندے نیں۔


ہور دیکھو[سودھو]



حوالے[سودھو]