نائٹروس آکسائڈ

وکیپیڈیا توں
جاؤ: پاندھ, کھوج
نائٹروس آکسائڈ
noframe
علاج وچ ورتی جان لئی نائٹروس آکسائڈ دا پرانا سمان
خاصیتاں
کیمیائی فارمولا N2O
مول وزن 44.013 گرام/مول
وکھالہ بے رنگی گیس
پگلن نمبر −90.86 ڈگڑی سینٹی گریڈ
ابلن نمبر −88.48 ڈگری سینٹی گریڈ
تیزابیت بوت کمزور تیزاب
noframe
نائٹروس آکسائڈ دا اک مالیکیول

نائٹروس آکسائڈ جینوں ہسدی گیس (laughing gas) وی کیندے نیں اک کیمیائی کمپاؤنڈ اے جیدا فارمولا N2O اے۔ ایہ نائیٹروجن دی آکسائڈ ہوندی اے۔ کمرے دے گرمی نپ اتے ایہ اک بے رنگی، نا بلن آلی گیس ہوندی اے جیدی اک مٹھی جی بو تے سواد ہوندا اے۔ اینوں سرجری تے دنداں دے علاج وچ مریض نوں سن کرن لئی ورتیا جاندا اے۔ اینوں سونگن نال بندے نوں زور دے ہاسے آندے نیں اس لئی اینوں ہسدی گیس وی کیندے نیں تے لوک اینوں شغل لئی وی سنگدے نیں۔ اینوں راکٹاں تے ریس گڈیاں وچ انجناں دے زور وداون لئی وی پایا جاندا اے۔ زرا جی گرمی اینوں آکسیجن دے مالیکیول دے برابر دا آکسیڈائزر بنا دیندی اے۔

ایہ آکسیجن دے ایٹماں نال رل کہ نائٹرک آکسائڈ بنا دیندی اے تے ایہ نائٹرک آکسائڈ اوزون دے نال کیمیائی کم کر کہ اوزون نوں توڑ دیندی اے۔ اس طرح ایہ گیس اوزون نوں سٹریٹوسفیئر وچ کٹ کردی ریندی اے۔ ایہ اک بوت خطرناک ہراکعر گیس تے ہوا نوں گندا کرن آلا کیمیکل اے۔ گرو دسدے نیں کہ اک صدی وچ نائٹروس آکسائڈ اپنے وزن دے حساب نال کاربن ڈائی آکسائڈ توں 265 - 310 گنا زيادہ ہوا نوں خراب کردی اے۔

اینوں علاج وچ سب توں خاص دوائیاں چوں اک سمجیا جاندا اے۔